جاددەیێن دناڤبەرا (ئەلقوش و شێخان) و (بەردەرەش و كەلەك) رێیا مرنێ نە
غەزوان غازی
جادەیێن دناڤبەرا (ئەلقوش و شێخان) و (بەردەرەش و كەلەك) ب رێیا مرنێ هاتینە ناڤكرن،ژبەركو گەلەك روودانێن هاتن وچوونێ ل ڤان رێیان دئێنە روودان و زیانێن مادی و گیانی لێ دكەڤن،ئەرێ جهێن پەیوەندیدار هایداری ڤان دەنگ وباسانە.
دیارە دراڤی گرنگیا خۆ ژ گیانێ مرۆڤی پتر هەیە ئەڤ چەندە ب سەیرترین تشت دئێتە دیتن ل ڤی وەلاتی،ژبەركو جهێن پەیوەندیدار هایداری رێیا مرنێ نە ئەوا دكەفتە دناڤبەرا (ئەلقوش و شێخان) و (بەردەرەش و كەلەك) و شوفێر ژی نزانن گازندەیێن خۆ بگەهیننە كیژ ئالی،ژبەركو ب بۆچوونا وان كی دێ گازندیێن وان بەرچاڤ وەرگرت،گەلەك شۆفێر هەینە دەما كەسەك دبێژتی من بگەهیننە دەڤەرەكا شێخان یان بەردەرەش ب كرێیا خۆ ب بهایەكێ گران شوفێر بهایی دیاردكت داكو نەچتە وان رێیا ژبەر سلامەتیا گیان و ساخلەمیا خۆ ، و هندەك شوفێر دچنە وان رێیا ب ناچار ڤە بۆ دەستڤەئینانا نانێ رۆژانە،پشتی مووسل هاتیە داگیركرن ژلایێ رێكخراوا تیرۆرستیا (داعش)ڤە جادا شێخان هاتن و چوونا هەموو جۆرێن ترومبێلان مەزن و بچوك دگەل یێن بازرگانی ل ڤێ رێ زێدەكریە ،ژبەركو بەری داگیركرنا مووسل شوفێران رێیا باشیكێ بكاردئینا بۆ هەولێر و سلێمانێ و كەركوكێ.
سەرەرای وێ بارگرانیا كەفتیە ل سەر جادان و بهیستنا روودانێن دلتەزین یێن هاتن وچوونێ ل ڤان رێیان ژوانا گیان ژ دەستدانا هەشت كەسان د ئێك رووداندا ل سەر رێیا بەردەرەش و كەلەك لێ هەر نەهاتە نووژەنكرن یان سەخبێركرن…هتد ، بتنێ رێڤەبەریێن هاتن و چوونێ دبێژن (نەپێگیریا شوفێران ب رێنمایان ئەنجامێ روودانانە) ،لێ نابێژن جادا د تەنگن و كۆرن.
بتنێ ل سالا 2016ێ (18) روودان چێبووینە و ژوانا (16)كەسان گیانێ خۆ ژ دەست دایە و (188) برینداربووینە ،ل دووڤ گۆتنا هاتن و چوونا شێخان و ژبلی یێن نەهاتینە تۆماركرن،لەورا هیڤی دكەم دەما ترومبێل زێدە دئێنە دناڤ هەرێما كوردستانێ دا و بارگرانی دروست دبت ل سەر رێیان جادان زێدەبكن یان بەرفرەهتر لێبكن،ژبەركو قوربانی ئەون یێن پێتڤیاتیێن مە دابین دكن.
تُتاح هذه الصورة أيضا في: کوردی
