كچ و ژنێن رزگاربووی دۆزا ئێزدیان گەهاندە جیهانێ
جیهان عەبۆ 
كارەستا شنگالێ گەلەك نەخۆشی و ئێش و و ئازار گەهاندنە هەر تاكەكێ شنگالێ،ل سەر دەستێ مەزنترین دووژمنێ مرۆڤاتیێ ب سەدان ئێزدی بوونە قوربانی و ژن قوربانیا مەزنا دەستێ رێكخراوا تیرۆستیا داعشێ بوو ل عێراقێ و سڤكاتی پێ هاتیە كرن ،هەتا ئازاردان و كرین و فرۆتن، لێ هەردەم ژنا ئێزدی یا چەلەنگ و خۆراگرە و سمبۆلە،ژبۆ ئاشتی و بەرخودانێ ،پشتی ئەوان ژنان كارین خۆ ژ وێ دۆزەخێ رزگار بكن یا كو دەولەتا ئیسلامی بناڤێ داعش بۆ وان دروست كری، كچ و ژن و زارۆكێن ئێزدیان هەڤژین و خێزان و كەس و كارێن خۆ ژ دەست دان.
پشتی ژنا ئێزدی سەربەست بووی و سەرەرای رەوشا تێرا دەرباز دبت بێ دەنگ نەما و بریار دا سنوورێ گەلەك وەلاتێن جیهانێ ب بزینت داكو ئەوا ب سەرێ دەیك و ژنێن ئێزدیان داهاتی ل سەر دەستێ رێكخراوا تیرۆرستیا داعشێ بگەهینتە هەموو جیهانێ،لەورا ژنا ئێزدی خودان ئیرادەیەكا مەزنە و ب هێزا كاری گەلەك كارێن باش و هەژی بۆ گەلێ خۆ یێ ئێزدی و كورد و هەموو گەلێن زوولم لێكری ب دەست بێخت و وەلاتێن بیانی هشیار بكت ژ ئەڤ كارەساتا مەزنا ب سەرێ كێمینەیێن ئۆلی دا هاتی ل عێراق و سووریا و هەموو گەلێن زوولم لێكری ب تایبەت ژی ئێزدی،ئێك ژ وان كچان ژی نادیا موراد بوو كو جەرگ شەوتی بوو هەموو خێزانا خۆ ژ دەست دا.پشتی سەر بەست بووی سەرەرایی هندێ كو برینێن وێ گەلەك بوون و نوو بوون كاری خۆ بگەهینتە وەلاتێن ئەوروپی و ئەرەبی و ئەوا ب سەرێ وێ و هەموو ئێزدیان هاتی ل عێراقێ گەهاندا وان و نادیا كاری خزمەتەكە مەزن بۆ ئێزدیان بكت.
هەتا نۆكە ژی نادیا موراد یا بەردەوامە ل سەر دۆزا خۆ ژبۆ گەهاندنا دەنگێ هەموو ژنێن زوولم لێكری،لەورا پێتڤیە ل سەر ئاستێ كوردستانێ و عێراقێ و جڤاكێ نێڤ دەولەتی پشتگیریا ئەڤان كچان بكن و ئەو دخوازن كو چ جارێن دی زۆرداری ل كچ و ژنان نەئێتە كرن و پشتەڤان و هاریكارێ وان بن،ژبۆ ئاشتی و پێكڤەژیانێ.
تُتاح هذه الصورة أيضا في: کوردی
