بۆ خه‌لكێ شنگارێ … بۆ ئێزدیان
د.سۆزان ئامێدى
هه‌ستا نه‌ته‌وی یا كوردی پشكه‌ك ژ هه‌ستا جڤاكی و سیاسی، ئه‌و ژی بلندترین دیمه‌نێن ره‌ه‌نگڤه‌دانا ژیوارێ بابه‌تی یه زێده‌باری وێ ئێكێ كو هه‌ستا نه‌ته‌وی ل جه‌م كوردان ریشالێن ده‌روونی هه‌نه، ژ ئه‌نجامێ ره‌هه‌ندێن دیرۆكی یێن سیاسی و جڤاكی و ئابووری. جڤاكێ كوردی كیانه‌كێ ته‌ڤایی یه هه‌می پێكهاتێن و دهێنه گرێدان ب تۆره‌كا كاریگه‌ری و په‌یوه‌ندیێن هه‌رده‌می یێن خوجه ب ره‌نگه‌كێ رێژه‌یی، ئه‌ڤ كیانه به‌رده‌وم مایه و هه‌بوون و ناسناما خوه پاراستیه ب بۆرینا ده‌می سه‌ره‌رای تووشبوونا وی بۆ رۆخیانا ب كۆم. ده‌مێ ئه‌م به‌حسێ مه‌زلۆمیه‌تا جڤاكێ كوردی دكه‌ین، مه‌ره‌ما مه پێ ئه‌وه كو هه‌می پێكهاتێن وی بێ جوداهی یه، ئێزدی ژی پشكه‌كن ژ ڤی جڤاكی و چو پێكهاتێن دی نینن د جڤاكێ كوردی دا كو تایبه‌تمه‌ندیا وی ژ یێ دی جودا بیت، بۆ نموونه تۆره‌بوون و شۆڤینیی یا كو ژ لایێ رژێمێن عیراقی ڤه یێن ل دووڤ ئێك ل هه‌مبه‌ری كوردان هاتینه كرن، ئێدی ره‌فتارا وان یا سیاسی بۆ به‌رژه‌وه‌ندیا ناسناما كوردی خستیه به‌ر گه‌فلێكرنێ، گرنگترین تشتێ نه‌ته‌وا كورد جودا دكه‌ت زمانێ وێ یێ تایبه‌ته ل گه‌ل هه‌بوونا ده‌ڤۆكێن جۆراجۆر. هه‌ر كه‌سێ ب جودابوونێ راببیت د ناڤبه‌را پێكهاتێن جڤاكێ كوردی دا، ئه‌وی خێر بۆ كوردان نه‌ڤێت، ئه‌و ژی بزاڤه‌كه بۆ هه‌لكرنا ئاگرێ فتنێ، ئه‌ڤ دبیت ل شووناا گه‌فلێكرنه‌كێ بیت بۆ جڤاكێ كوردی و ده‌سپێكه‌ك بیت بۆ په‌یدابوونا ناكۆكیان كو پاشمایێن وان د دژوار بن و ل سه‌ر ڤێ چه‌ندێ یا فه‌ره ئه‌وێن ب ڤێ چه‌ندێ رابووین بهێنه تاوانباركرن. كوردێن ئێزدی دره‌سه‌نن و گه‌له‌ك قوربانی داینه، دلسۆزیا وان ژی یا پێشچاڤه بۆ ئه‌ردێ وان و نه‌ته‌وه‌یا وان، به‌لێ تشتێ مخابنیێ پێ دبه‌م، كو ئه‌ڤرۆ هنده‌ك ئێزدین (كێمه‌ك) هه‌ما هه‌می كارێ خوه خستیه د ناڤبه‌را وه‌شانا ژێكجوداهیێ و فتنه‌كرنێ، د ناڤبه‌را جڤاكێ كوردی دا، له‌ورا ئه‌ز دبێژمه وان: دیرۆكا هه‌ڤپشك و زمان و ئه‌رد و ژیانا ئابووری و ره‌وشه‌نبیری یا ده‌برینێ ژ سیمایێ نه‌ته‌وی دكه‌ت، ئه‌و ژی پیڤه‌ره د جێوازیكرنا ملله‌تێ دا و ئه‌وه سیمایێن جیهانێ بۆ ده‌ستنیشان دكه‌ت. ژ به‌ر وێ سته‌ما مه‌زن و حه‌یفا كه‌فتیه سه‌ر كوردێن ئێزدی ژ لایێ رێخراوا تتیرۆرستی یا داعش ڤه، دوور نینه كو هنده‌ك هه‌لویستێن ژیكجودا یێن ئیفلجبووی ببینین وه‌كو ره‌نگڤه‌دانه‌كا سروشتی كو چو گه‌فان ل به‌رژه‌وه‌ندیا كوردستانێ و قووتێ وێ نه‌كه‌ت. كو ئه‌ڤ ژ قانوونێن كارپێكری ل هه‌رێما كوردستانێ و سازیێن وێ ده‌رنه‌كه‌ڤیت، هه‌ر وه‌سا ژێكجودای د دید و نه‌رینان دا و داخوازی ب هنده‌ك مافان دهێته هه‌ژمارتن وه‌كو مژاره‌كا سروشتی و به‌رنیاس د هه‌می سیسته‌مێن دیمۆكراسی دا، به‌لێ هه‌كه ئه‌ڤێ چه‌ندێ ژ سنۆرێ به‌رژه‌وه‌ندیا نه‌ته‌وا كوردی و كوردستانێ بووری، دبیته خراب ب كارئینان و نه‌شاره‌زاهیا سیاسی و جڤاكی كو زیانێ به‌گه‌هینته وان، ئه‌ڤجا ب ڤێ ئێكێ فه‌ره كو بهێنه راسپاردن ب شێوازێن دشیان دا، بۆ زالبوون ل سه‌ر هزرا ساخله‌م و هه‌ستكرن ب به‌رپرسیاریێ ل هه‌مبه‌ر به‌رژه‌وه‌نیدا گه‌لێ كوردستانێ و هوشداری ژ هه‌ر هه‌لویسته‌كێ نه‌یێ به‌رپرسانه، نه‌خاسمه‌ه ئه‌م یێن به‌رسینگێ سیاسه‌تان ل ده‌رڤه‌رێ دگرین، ئه‌ون یێن شه‌رێ كوران ب ره‌نگه‌كێ گشتی دكه‌ن و كوردستانێ ژی ب تایبه‌تی.
و: ئه‌ڤرۆ
تُتاح هذه الصورة أيضا في: کوردی
