چارەنڤیسێ دەرچوویێن پەیمانگەه و كولیژان بەرەف كووڤە؟
جوان بەرواری 
خووندن دروشمەكێ هەری سەرەكییە بۆ بلندكرنا ئاستێ كەسایەتی و هزری و رەوشەنبیری و فەلسەفی ئەڤە هەموو ئەو رێك وپرن یێن كو دبنە ڤەكرنا دەرگەهێن ئاڤاكرنا مللەتێن پێشكەفتی و بلندكرنا نرخێن زانستەكێ رێكخستی دمەیدانا كۆمەلگەهێن عەشیرەتگەری دا، خووندن نەبتنێ هێزەكە بۆ كەسایەتیا تاكەكەسی،بەلكو چەكەك و ئالاڤەكە بۆ چاڤێن دوژمنی و دورپێچكرنا هەموو شێوازو تەكتیكێن دوژمنێن چاڤێ وان ل جوگرافیەك پری خێروبێر.
ئەگەر ئەم نێرینێ ل وەلاتێن بیانی بكەین كو ئێكەم پرۆسسا خووندنێ ئەو بەرەف گوپیتكا سوسیولوژیا رەوشەنبیری برینە و ئەو زانیین و زانست كرینە دەستپێشخەرێن رێیێن سەركەفتنێ و ڤەكرنا دیرۆكەكا عەقل گەریانە و یاسایەكا دادپەروەرانە،لێ ب مخابنی ڤە ل وەلاتێ كوردستانێ ب چاڤەكێ لاواز دئێتە نرخاندن ، هەژی گۆتنێ یە ئەز دكارم بێژم تارادەیەكێ زانست بوویە بەشەك دگەرمەگەرما مژارێن سەرەكیێن هەبوونا ژیانەكا بەردەوام دا،لێ گرنگیا وێ هێشتا ب دروستی نەهاتیە خووندن و تنێ بویە هەستەكێ مری نەكارپێكری دشێوازو زاراڤ و تەكتیكێن كوردیتیێ دا ئەڤە خالەكا هەری ئاست نزمە ژبۆ بلند بۆ مۆرالا خووندەڤانی د هەموراكرنا زانستەكێ پێشكەفتی بەرفرەهتیێ دا ، سەرەرای ڤان هەموو كێم وكاسیان د سیستەمێ پەروەردێ دا ژ لایێ خووندەڤانی ڤە گرنگترین و مەترسیدارترین خال ئەوە كو چارەنڤیسێ دەرچوویێن پەیمانگەه وكولیژان بەرەڤ كووڤە ؟ ئەڤە دبتە ئێك ژ ئەركێن هەری مەزن ب ستۆیێ حكوومەتێ ڤە،ژبەركو ئێكەم پێنگاڤا دبتە پالدەرێ رێیێن زانستی كاراكرنا دام و دەزگەهان دا پێتڤیە حكوومەتێ رۆلێ خۆ هەبت دڤێ وە چەرخانێ دا،نەخاسمە دبارودۆخەك هۆسا ئالۆزدا رەوشا دەرچوویان بەرەف فشارێن بلندێن دەروونی و رەشنڤیسی وبنركرنێ پلێن رێیێن كاریگەریێ چووینە ئەڤە ژی نیشانێن پەیدابوونا باوەرنامەك مریە ل نك خووندەڤانی پەیدادبت،هەر دیسان ئەڤ چەندە دبتە كاریگەریەك هەری مەزن ل سەر خوێندكاری ژی دپرۆسسا خووندانێ ژی دا ئەو ژی بەرەف قۆناغێن لاوازیێ ڤەدچت و خووندن دبتە شێوازەكێ گران دناخێ وی دا ، لێ گرنگترین پێنگاڤ بۆ ڤەكرنا ژیانەكا ساخلەم و هەڤ پیشەی ئەوە كو دەرچوویێ مە ل دووڤ هێزو شیانێن خۆ بچت و بەرنامەكی دارێژت بۆ ژیانا خۆ یا رۆژانە ئەڤە دبتە ئارمانجەك هەری بلند كو خەباتێ ژێرا بكەت و هینگێ دێ وی هەموو تشتەك هەبت كو بكەفتە دخزمەتا وی دا هەتا دۆست و دوژمنێن وی ژی دێ مفای ژبیرو بۆچوونێن وی وەرگرن.
دەربارەی ڤێ یەكێ ژی دێ گەلەك خووندەڤان هەبن كو كەسێن هۆسا خودان شیان لێهاتی و بخۆ كەنە قدوە بۆ پاشەرۆژا خۆ،لێ بەرامبەر ڤێ یەكێ ژی پێتڤیە جهێن بلند دووڤچوونەك گرنگ ل سەر چارەنڤیسێ ڤان دەرچوویان بكن و دگەل هزرو بیروباوەرێن واندا هاریكاربن و بكارن بەرەف رێیێن كاراكرنێ و مێشكەكێ پری هزرڤانی ببەن دابنە شەنكستێن ئاڤاكرنا وەلاتەكێ پێشكەفتی و پاشەرۆژەك گەش ل سەر ئاستێ ژیانا خۆ، ئەوا بۆ چەندین سالان كریە قوربانی ل دووڤ زانستی خووندنێ گەریای هەتا كو شیانێن خۆ تەرخانكرین بۆ باوەرنامەك پری خزمەت و قازانج دگەل بجهئینانا هیڤی وئۆمێدا مللەتێ خۆ، ب هیڤیا باوەرنامەك نەمری كاركرپێكریبە،لەورا پێتڤیە ئەڤ چەندە بێتە سەلماندن ژلایێ وان جهەتێن كو ب ڤێ چەندێ ڤە پەیوەندیدار.
تُتاح هذه الصورة أيضا في: کوردی
