قەیرانا ئابووری كارتێكرن ل سەر كەرتێ هۆنەری كریە
جوان بەرواری 
قەیران بوویە بەشەكێ سەرەكی و مژارەكا بەردەوام ل سەر مێشك و زارێ هەموو تاكەكەسان ،لێ ل گۆر وان سەدەمێن پەیدابووین ئەگەر ئەم بێین پێشبینیا قەیرانێ بكەین كو ل وەلاتێن بیانی هەبوونا قەیرانێن جڤاكی سیاسی هۆنەری ب شێوەیەكێ گوهرانكاریێ دایە،چنكو هەر ئێك ژ وان ب شێوەیەكی نە و نێزیكییەك بۆ ئێك هەیە ئەوژی ژبەرپێكڤەگرێدانا یاسایەكا سەروەرانە،چنكو ئەو گرنگیەكا زۆر ددەنە پرەنسیپێن یاسایی،هەروەسا موكومكرنا پەیوەندیێن جڤاكی و پێكڤەژیانێ،لەوما ئەڤێ چەندێ ژی سەدەمێن خۆ هەنە كوپێكڤە بێنەگرێدان پتریا وان ژی بۆ لایەنێن پوزەتیڤ دچن.
ئەڤە هەموو ئەو خالێن ئێكانە نە ژبۆ وێ چەندێ كو ئەڤ پەیوەندیە ببنە دروستكرنا ئالاڤێن چارەسەربوونێ دناڤا جڤاكێن وان بگشتی ، لێ سەبارەت ڤان هەموو كێشە و ئالۆزی پەیدابوونا قەیرانان دجڤاكێ كوردستانیان دا ڤەدگەریت،بۆ نەبوونا ئێك رێزیێ و نەتەخمینكرنا چەندەكێ ژ هەبوونا بەرپرسیارەتیێ لێ ئەڤە ژی ئاسانسورەك ب باندرورە ل سەر پەیدابوونا كاودانێن ئالۆزتر، لێ سەرەرای ڤێ یەكێ ژی كوپرانیا جاران مللەتێ كورد تووشی دەردەسەری و قەیران وكۆچبەریێ بوویە و خۆ ل بەر هەرئێش و ئازارەكێ گرتیە ،هەروەسا هەتا خۆ كریە قوربانی بۆ مللەتێ خۆ ژی وبەردەوام چاڤەریێ پێشهاتێن باشتر و نوو بوویە،ژبۆ وێ یەكێ داكو ژ قەیرانێن ئابووری و سیاسی و كۆمەلایەتی و هۆنەری و زولم و زۆرداریێ هتد…… رزگاركت لێ هەبوونا قەیرانا جڤاكی و هەروەسا كاروبارێن سازیێن رەوشەنبیری و ساخلەمی و هۆنەری،ئانكو گشت سازییان بەر ب ئاقارەكێ ئالۆزو نە رێك و پێك ڤە دبەن ئەڤە دبتە فشارەكا هەری دژوار ل سەر كاروبارێن كادرو كارمەندێن كاری ب تایبەتی هەبوونا قەیرانا ئابوری كارتێكرن كریە سەر كەرتێ هۆنەری.
ئەگەر ئەم پێناسەیەكێ بدەینە هەبوونا هۆنەری كو هۆنەر كارەكێ پێویستە هاتیە ژ هندەك هزرو دەربرینا ب شێوەیەكێ جوان دئێتە پێكئینان،ئەڤجا چ هۆنەرێ شانۆیێ یان شێوەكاری یان موزیك یان سینەمایی بت،ئەڤە هەموو ئەو پالدەرو پالپشتن یێن كو هزرو نێرینێن جڤاكی بەرەف گوهورینێ ڤە دبەن دكەنە كلیلێن رەنگڤەدانێ ل سەرانسەری جیهانێ،لێ دكاودانێن ئیرۆ دە بووینە ئەگەر كو كەرتێ هۆنەری بەرەف لاوازبوونێ ڤە بچت تایبەتی نەبوونا چالاكیێن هۆنەری بگشتی بەرەف كێمبوونێ ڤە چووینە،ئەڤەژی باندۆرەكا نەرێنی یە ل سەر كەرتێ هۆنەری هەر چالاكیەكا بێتە كرن بەشەكە ژ نیشاندان و ڤەكرنا نوویاتیەك نوو بۆ كەرتێ هۆنەری،هەروەسا بۆ پێشكەفتنا جڤاكی ژی بگشتی دبتە بەرهەڤبوونێن رێیێن سەركەفتنێ،لەورا داخوازیا هەڤپیشەیێن هۆنەری ئەوە كو لایەنێن پەیوەندیدار وجهێن بلند رابن ب ڤەكرن و جهێن تایبەت بۆ كاروبارێن هۆنەری و رێیێن چارەسەركرنێ بۆ نەهێلان وبنبركرنا قەیرانا ئابوری.
تُتاح هذه الصورة أيضا في: کوردی
