ئاشێ ئیمپریالیێ وكارەساتا شنگالێ هەتا كەنگی ؟؟؟؟
فەهمی بابێ رۆژانێ
ئاشێ ئیمپریالیئ ب خوینا مللەتان وبتایبەت یا فەقیر وهەژار وبئ گونەهان كار دكەت وهەكە ئاشێ وان راوەستیت دێ دۆلارێن وان كێم ببن ووەسا بەرژەوەندا وان یا نەتەوی دئ ئێتە تێكدان وڤێجا هەر چاوابیت دڤێت ئاشێ وان بگەریێت چ بنەفتا مللەتێن پاشڤەڕۆ وهێشتا لهیڤیا بەهشتا پڕی حۆریێن چاڤ بەلەك ورۆبارێن شەرابێ ووەسا بدلەكی خۆش یا نخوە دپەقینن یان خوە ددنە كوشتن بناڤێ بەرەڤانیئ ژبیر باوەرێن خوە وناموسا مللەت ووەلاتی وئیسلاما پیرۆز ژوان یا بێریە ونەدگەل رەفتارێن وان یێن داعشی وتوندرَەویە .وئەو نزان بتنێ ئەوپیلانێن نەحەزێن مللەتان ومرۆڤاتیئ پەیرەو دكەن وئەوژی بەردەوامیا شەڕ وكوشتارا لسەرانسەری جیهانێ وبهەر بەهانەكا هەبیت چنكی دڤێت كارگەهێن وان یێن چەكێ گران وسەردەم وپێشكەفتی وتەقەمەنیێن وان كار بكەن ودۆلارێن وان یێن بخونا مللەتان سۆربوی زێدە ببن وهەكە شەر وناكۆكی ومەترسیان چێنەكەن كی دێ چەكێن وان كریت وەكی ڤێ داویئ ببەهایئ نێزیكی (7) ملیار دۆلاری چەك فرۆتیە میرنشینا قە تەرێ ؟؟؟دئ كا بۆ چیە چەكێ قەتەرێ ؟ وكێ های ژ قەتەرێ هەیە؟؟؟هەكە نەبۆ داعشیابیت ودڤێ كاپیتالزم مەترسیا لجیهانێ پەیداكەت داكو هەڤالێن خوە یێن پڕ خۆشتڤی پڕی چەك وتەقەمەنی بكەت وكارگەهێن وان هەر كار بكەن وئەم مللەتێن سادە وساكار بوان چەكان هەر هەڤ بكوژین ونەخەما كەسێ یە؟؟بەلێ ئەڤەیە ستراتیجا ئیمپریالیئ ودەولەتێن زلهێز وتاكرەوێن لسەر دلێ جیهانێ وسە رەرای گهۆرینا هندەك رێكێن وان بۆ مشتنا خوینا مللەتان بناڤێن بریقەدار لی هەر ئەون ئەگەرێن ڤان هەمی كارەساتێن لسەرانسەری جیهانێ پەیدادبن ومخابن مللەت كەفتینە خەوێ خەوا بندەستیێ وبئ هیڤیێ وبئ هەلوێستیێ وبەرژەوەندا كەسان وگروپان زالبویە لسەر بەرژەوەندا مللەتان وخەلكێ سادە وبێ تاوان وسوتەمەنیێن شەرێن چێكری وبەرنامە بۆ دانای بەلێ مەبەستا مە نەئەوە دیاركرنا رۆلی ئیمپریالیێ یێ دوژمنێ مرۆڤاتیێ بدرێژیا دیرۆكێ دیار كەین بەلكی مە دڤێت لسەر ئەوا نۆكە ل رۆژهلاتا ناڤین وهندەك ژ ئەفریقیا ولسەرانسەری جهێن شەر وكوشتاردبەردەوامن وژدوورڤە دئێنە رێڤە برن ونەكو ژبەر ئەو موسلمانن یان عەرەبن یان شیعەنە یان سونەنە یان مەسیحی نە توندرەون یان بتیرۆرێ لقەلەمداینە ..بەلكی بتنێ كو ئەو مرۆڤن وسەرەرای كو ئەم نەدگەل پەیرەوێ وانێ هزرینە بەلێ هەر چاوابیت مرۆڤن ومەژی وەك مللەتێ كورد كارەساتێن وەكی یێن وان بدرێژیا دیرۆكێ بسەرێ مە هاتینە وەكی –ئەنفال –وكیمیاباران -وجینوساید – وبیرێن تیزابێ – وكاڤلكرنا (4500)گوندێن مە وسۆتنا رەز وباغێن مە وهەڕفاندنا مزگەفت –ودێر –وقوبان – ولڤێ داویێ جینوسایدا كوردێن ئێزدی لچیایێ شنگالێ ولبەر چاڤێن ڤێ جیهانا بەرژەوەند پەرێس ومایین بێ هەلوێستەكی كو لئاستێ كارەساتا مرۆڤاتیێ بن بەرامبەر ڤان هەمی تاوانێن دژی مرۆڤاتیئ دئێنە كرن هەر ژبەرێ وهەتا نۆكە وهەر دئ مینیت بئ هەلەێستەكی گونجای وبلەزوكاریگەر چنكی بێهنا وان یا فرەیە ژبەر بەرژەوەندێن خوە یێن چەپەل ونەمرۆڤانە .وئەو سەركردێن توند رەو نەبخوەنە بەلكی پیلانێن نەحەزێن مللەتان پەیرەودكن ومللەتێن خوە دخاپینن وددەنە كوشتن دا كارگەهێن زلهێزان كاربكەن وئەوەی سالا (1948)وهەتا نۆكە هەر شەرێ عەرەبا وجوهوا وشۆرەش وبەرخوەدانێن مللەتێ كورد ل هەرچار پارچان یێ بەردەوامە وخودێ دزانیت هەتا كەنگی دێ ڤەكێشیت یان هەتا بەرژوەندا ئیمپریالیێ دخوازیت وئەو دزانن كەنگی وچاوا بدماهی بینن وئاشێ بخوینا خەلكی هەژار وبێ تاوان ومللەتێن بندەست ونڤستی وكەفتینە خەوا بێ هەلوێستیێ یان خۆ فرۆتنێ كار دكەت راوەستینن ؟؟وئەڤە لسەر بەرژەوەندا بازرگانێن شەری و سیناتۆر وكارتیلێن خودان كۆمپانی وكارگەه دمینیت ؟؟؟ وژلایێ دیڤە بدیتنا من شەرمەكا مەزنە بۆ –نەتەوێن ئێكگرتی یێن بئ دەسهەلات –وجڤاتا ئاسایشا نیڤدەولەتی –ومافێن مرۆڤی – ودادگەها نیڤدەولەتی –وكۆمكارا عەرەبی –وكۆمكارا ئسلامی-وهەر كەسێ خودان دەسهلات –هەر چەندە هەمی قەوارێن ڤالانە ودكۆنترۆلكرینە ئەوژی ژلایێ زلهێزاڤە ؟؟ولبەر چاڤێن ڤان هەمیان تانكو وتۆپ وفرۆكە وبەرمیلێن ئاكری بسەرێ مرۆڤێن سڤیل درەشینن وئەوێن خودان ناڤ ودەسهلات بتنێ بەیانناما دەركەن وكی دخونیت وكی دنڤیسیت ؟؟؟وئەوێ تەماشەی كەنالێن راگەهاندنێ بكەت دێ وان دیمەنێن جەرگبڕ بینیت كو رۆژانە بسەدان زارۆك وژن وخەلكێ سڤیل دبنە قوربانی بینیت گەلۆ گونەها ڤان چیە ؟؟؟داكو ببن ئافا ئاشێ زلهیزان چنكی لدەف وان دۆلار وقازانج بهاترین تشتە نەك گیانێ مرۆڤان ومافێن وان وئاشتیا جیهانێ .وئەڤە بدیتنا مە ژبەر یەك چەمسەریا جیهانێ یە ونەمانا چەمسەرێ كو بەرەڤانیێ ژ مافێ مرۆڤان دكەت كو مرۆڤ وئاشتی وبەختەوەریا مرۆڤان ووەكهەڤی ودادپەروەری لجەم وان بهاترین ئارمانجبوو لێ ئەوژی هاتە ژناڤبرن ونەما وەكی بەرێ ونۆكە شكەستن ئینایە بەرامبەر ئمپریالیی وكاپیتالزمێ بەلی دشەر وململانێ دە سەركەفتن وباشكەفتن هەنەوئەڤە نە دوماهیكا ژیانێ یە وململانێ هەر یا بەردەوامە هەتا هەتایێ ودمینیت لسەر كی لایەن دێ كاریت ئالۆكۆران باشتر بكەت دبەرژەوەندا هزر وبیر فەلسەفا خوەدا وهەڤسەنگیێ پەیداكەت دبەورژەوەندا مرۆڤاتیێ وئاشتیێ وئازادیێ دا.ڤێجا كانی هەتا مرۆڤاتی هشیار بیت ژ خەوێ …خەوا بندەستیێ …خەوا بێ هەلوێستیێ ..خەوا خوە وپارە پەرستیێ وخوە رزگاركرنێ ژ پاشڤەرۆیێ وتوندرەویێ بهەمی رەنگان وئیدی نەبن سوتەمەنیا یاریێن نەحەزێن مرۆڤاتیێ وخودان بەرژەوەندێن زلهێزیێ وگروپێن مفادار ژڤان هەمی كارەساتێن بسەرێ مرۆڤاتیێ دئێن وقوربانی هەر خەلكێ هەژار وبئ تاوان وسڤیلن ؟؟؟.
تُتاح هذه الصورة أيضا في: کوردی
