بترییا رێژا دیاردا تەلاقێ دبتە چاڤلێكرن ول سەر مێشكێ هەڤژینان زال دبت
جوان بەرواری 
دیاردا تەلاقێ یابویە دیاردەیەكا هەری گرنگ و ب ئاریشە دناڤا پرانیا خێزانان دا ب تایبەتی خێزانا بچیك و حالەتەكێ زورێ هەستیارە دناڤا كومەلگەها كوردی دا هەبوونا ڤێ جورێ دیاردێ ڤەدگەریت بوگەلەك خالان ژ وان ژی كچ و كور دەمێ رابن ب پێكئیناناخێزانێ و رەنگە گەلەك ئاریشە بەری پروسسا هەڤژینیێ پێك بینن هەبوونە و دكاودانێن لێكتێنەگەهشتنێ دگەل هەڤدو نەگونجینە هەتا گەهشتینە ڤی چارچوڤەی و هەردیسان خالا ژیێ كچ و كوران دڤی سەردەمی دا دبیتە سەدەمێ ئالوزیێ چنكی كچ و كور دەمێ ژیێ وان یێ بچیك هەست بەر پرسیارەتیێ ناكەن ژبەر كو هێشتا ئەویێ دژیێ زاروكینی و نەتەمامكرنێ دا و عەقلێ وان ڤالاهیەكا مای هێشتا نەهاتیە پركرن داكو ناخێ وان بەرەڤ قوناغا گەشبینیێ و هەستپێكرنێ ب ژیانەكا خوش بە ختەوەر و ساكاربچیت ژلایەكێ دیڤە كێشە و ئاریشە دناڤا خێزانان لایەنێ مادی هەبوونا قەیرانان و هەروەسا گوتگوتكان و شێل بێل كرنێ و كارتێكرنا تورێن كومەلایەتی و نە چارەسەركرن ب شێوەكێ گڤتوگوكرنێ نەپركرنا تومحاتو داخازیێن گەنجی ….. هند ئەڤە هەمی دبنە ئەگەرو كروڤە بو تێكدانا بارودوخێ خێزانێ هەتا دگەهیتە خالا ژێكجودابونێ.
لێ سەرەرای وێ یەكێ ژی ئەگەر نێرینی لێ بكەین دێ بینین كو سالێن بوری رێژەیا ژێكجودابونێ دنزبەكا گەلەك كێم دابو ژبەر كو ئەو پێشكەفتن و ئەو ڤشارا نها نەبوو لەوراژی ب كێمی هاتە چەسپاندن لێ دڤان سالێن قەیرانان دا پتریا دادگەهێن دهوكێ بوینە بەشەكێ ژێكجودابونێ نە پێكئینانێ ئەڤە ژی دبیتە ئەركەك ل سەرملێن دەزگەهێن رەوشنبیری و چالاكێن گرێدای رولێ ئافرەتان و هەردیسان بابەت ومژارێن باسكرنێ ل سەر ڤان جورە دیاردان ژبوتەخا گەنجان ب تایبەتی پەروەردەكرن ژ لایێ دایك بابان ڤە ژ بو زاروكێن وان پێتدڤیە هزرا وان بدەنە كارێن گرنگ ترو ڤە ژەنینا مێشكێ وان بهێتە تەخمینكرن بو قوناغێن پێگەهشتنێ پاشان دەست ب پێنگاڤێن ژیانا دواتر بكەن داكو نە بنە ئیشَن كوژەك بو خێزانێ جڤاكی بگشتی چنكی پرانیان جاران رێژەیا تەلاقێ دبیتە چاڤلێكرن ل دور مێشكێ هەڤژینان دهێتە سەپاندن كو زال بن ل سەر ڤێ دیاردێ و هزرا بەرژوەندی برینداركرن و كارتێكرنێ ل دەروەبەرێن خو ناكەن ب تنێ ل دیڤ وێ چەندێ دچین كا دێ چاوان جڤاكی كەنە جڤاكەكێ نەشاریزم و نەساخلەم ئەڤە ژی گاریگەرترین و مەترسیدارترین بەگروەندە بو ژیانا گەنجێن داهاتووی و هەروەسا بو ژیانا وان بخوژی دبیتە فشارێن دەروونی ل سەر توخیبێ سایكولوجی كەسایەتیا وان لەورا یاگرنگە هەر ئێك ژمە خو بكە تە ئالاڤێ رێكا راست و دروست و هزرە كا رەوا بكەتە چارچوڤە بو دابینكرنا ژیانەكا رێك پێك و دیر ژ ژێكجودابوونێ.
تُتاح هذه الصورة أيضا في: کوردی
