نادیا موراد پیڤه‌رێن شه‌ره‌فێ گوهارتن
زه‌رى نه‌وزاد
ل جیهانه‌كێ ژن قوربانیا هه‌ره مه‌زنا جه‌نگ و كلتور و گرێیێن جڤاكی بوویه، په‌یڤا شه‌ره‌ف كریه تێگه‌هه‌ك به‌رته‌نگ كو دیربیت ژ پیروزی و مه‌زنیا خوه وه‌ك سیفه‌ته‌ك مرۆڤانه، چونكی شه‌ره‌ڤ بتنێ ب ژنێ ڤه و ب به‌شه‌كێ له‌شێ وێ ڤه گرێدایه، ل ده‌مێ رویدانا كاره‌ساتا شنگالێ و ره‌ڤاندنا ژن و كچێن كوردێن ئێزدی ترسا هه‌ره مه‌زن ئه‌و بو كو ئه‌رێ ئه‌گه‌ر ئه‌ڤ كچه ڤه‌گه‌رن دێ چ چاره‌نڤیس هه‌بیت ئه‌رێ ئه‌و بونه قوربانی چ ڤه‌گه‌رن یان نه، بخوشحالی ڤه جڤاتا روحانیا ئێزدیان فه‌توا ده‌ركر كو ئه‌ڤ كچ و ژنه دێ ڤه‌گه‌رنه‌ڤه ژیان و ناڤ خێزانێن خوه و جیهانێ و رێكخراوێن نێڤده‌وله‌تی و ناڤخوی كار ژ بو رزگاركرن و كێمكرنا كاره‌ساتا وان كر، ل ڤێره كچه‌ك جودا ژ هه‌ر كچه‌كێ خودان به‌رخودانه‌كا تایبه‌ت، ده‌نگه‌ك بلندتر ژ هه‌ر ده‌نگه‌كی ده‌ركه‌ت، نادیا مراد ئه‌ڤا كو ل 2014 و دگه‌ل كاره‌ساتا بسه‌رێ ملله‌تێ كوردێن ئێزدی هاتی، هاتیه ره‌ڤاندن ل سه‌ر ده‌ستێ مه‌زنترین رێكخراوا تیرورستی یاكو بناڤێ داعش، پشتی كوشتنا شه‌ش برایێن وێ، نادیایا كو ژیێ وێ 23 بهار ده‌رباز نه‌كرین توشی ره‌ڤاندن و ده‌ستدرێژیا سكسی و ده‌ستدرێژیا له‌شی بویه، نادیایێ ل ده‌مێ ڤه‌گوهاستنا چیروكا خوه دا به‌رامبه‌ر جڤاتا ئێمناهیا نێڤده‌وله‌تی دا ل سالا 2015 شیا بره‌نگه‌كێ مه‌زن ئێش و ئازارێن كچ و ژنێن ئێزدی بگه‌هینیته جیهانێ و شه‌ره‌ڤا ژنێن ئێزدی و پیروزیا وان بكه‌ته كه‌یسه‌كا نێڤده‌وله‌تی و ببیتی بالیوزا نه‌ته‌وێن ئێكگرتی بو نه‌هێلانا بێهوشكه‌ران و گونه‌هباریان بو ئاشتیێ كو ئه‌ڤه ئێكه‌م جاره ئه‌ڤ سیفه‌ته ب كه‌سه‌كی بهێته دان، بڤێ یه‌كێ نادیا دشێت فشاره‌كا مه‌زنتر بدانیته سه‌ر وه‌لاتێن جیهانێ بو جینوساید ناساندنا كه‌یسا كوردێن ئێزدی و د هه‌مان ده‌م دا ژ بوی رزگاركرنا ئه‌و كچ و ژنێن ماینه ل بن ده‌ستێ ڤێ رێكخراوا تیرورستی، نادیایێ پیڤه‌رێن شه‌ره‌فێ ل جیهانێ گوهارتن وه‌كو ژنه‌ك پر شه‌ره‌ف هاته به‌رده‌م جیهانێ هه‌میێ و گوت به‌لێ ئه‌ز توشی ده‌ستدرێژیێ بووم به‌لێ ده‌ستدرێژیا بكوم دگه‌ل من هاته كرن و به‌لێ ئه‌ز كچه‌ك پر شه‌ره‌فم، ژ به‌ركو شه‌ره‌ف نه به‌شه‌كێ له‌شێ ژنێ یه به‌لكو شه‌ره‌ف هه‌ست ب رومه‌تی و مروڤایه‌تیێ یه شه‌ره‌ف گوتن و كریارێن مروڤی نه سوز و راستگوییا مروڤانه، شه‌ره‌ف كاركرنه ژ بوی بلند راگرتنا مرۆڤایه‌تیێ.
ئه‌ڤ گۆتاره ل 19/9/2016ێ،ل مالپه‌رێ ئه‌ڤرۆ نيوز به‌لاڤ بوويه.
تُتاح هذه الصورة أيضا في: کوردی
