گەلۆ قامشلۆ چەند جەزائیری كوشتینە؟
خالد خدر
ل ڤێ داویێ كریارێت تیرۆرستی ل ئەوروپا زێدە بووینە و بكەرێن وان ئەون یێن ژ دەڤەرا رۆژهەلاتا ناڤەراست هاتین ب تایبەتی ژ وەلاتێن ئەرەبی كۆچكرین و قەستا وەلاتێن ئەورپی كرین،هەوە سالا بۆری و تانهۆ زنجیرەكا كریارێت تیرۆرستی هاتینە ئەنجامدان كو ب دەهان مرۆڤێت بێ گونەه بوونە قووربانی ، ژ فەرەنسا دەستپێكرن و باژێرێ پاریس بوو گۆرەپانا ڤی شەرێ خووناوی ،پشتی پاریسێ هێرش كرنە برۆكسێلا پایتەختا بەلجیكا دیسان ب دەهان كەس كوشتن و ب سەدان بریندار كرن كو هژمارەكا خووناوی بوو ل دیرۆكا بەلجیكا دا و ل ئەنجامدا ترسەكا مەزن كەفتە ناڤ خەلكێ.
تیرۆر گەهشتە ئەلمانیا ژی كو تانهۆ چەندین كریارێت تیرۆرستی هاتینەكرن ل ئەلمانیا و خەلكێ سڤیل بووینە ئارمانج ئافرەتەكا دووگیان هاتەلێدان ب كێرێ و ژمارەكا سەرنیشینێت شەمەندەفرێ كوشتن وكوشتنا چەند كەسان ل ناڤ مۆلەكێ دا ، دیسان جارەكا دی تیرۆر گەهشتە فەرەنسا ب سەرژێكرنا قەشەكی لناڤ دێرا وی دا ،ئەڤێ بوویەرا هەنێ ترس وسەهمەكا مەزن ئێخستە فەرەنسا ، بریتانیا ژی بێ بەهر نەبوو كو لدەستپێكا ڤێ هەیڤێ گەنجەكی بنیات سۆمالی ب كێركێ ل چەند كەسان دا ل ئەنجامدا ئافرەتەكا (60) سالی كوشت ،ب ڤی شێوەیی كۆچبەرا قەنجییا وەلاتێن ئەوروپی ل سەر خۆ ڕاكرن ، بۆ نموونە ئەلمانیا سالا بۆری سنۆرێت خۆ ڤەكرن بۆ كۆچبەران وپتر ژ ملیۆنەكێ هەمبێزكرن لناڤ وەلاتێ خۆدا كو زۆربەیا هەرە زۆر ژوان ژ وەلاتێن ئەرەبی بوون ، نهۆ جیهان لهمبەری شەرەكێ مەزن وبەرفرەهە ئەوژی شەرێ تیرۆرێ یە ، كو ب مخابنیڤە لژێر ناڤێ دینی دئێتە كرن ، ئەم وەك گەلێ كوردستانێ هەڤخەم و هەڤپشكین دگەل وەلاتێن فەرەنسا و ئەلمانیا و ژبەر دوو سەدەمێت سەرەكی ئەوژی ئەڤەنە: ( یا ئێكێ چنكو هەردوو وەلاتێن ناڤبری هاریكار و پشتەڤانن بۆ گەلێ كوردستانێ ل دژی تیرۆرێ ،ب تایبەتی ل شەرێ دژی تیرۆرستێن داعش ،ویا دووێ كو ئەم ژی وەك وان دنالین ژ دەستێ تیرۆرێ و مە گەلەك قووربانی داینە).
دڤێت دووڤ چوون و لێگەریانا وان بێتە كرن ئەوێن دبنە ئەگەر وهاندەر و بانگخوازێن تووندرەویێ و پارێزڤانێت وێ ، و ئیدی بەس بتن بۆ پشتەڤانیا ڤان جۆرە كەسان و بۆ دەرێخستنا هێجەت وبەهانەیا بۆ كار وكریارێت وان یێن ترسناك ل سەر ئەولەهی و ئاشتییا نێڤ نەتەوەیی ،بۆ نموونە گەلەك جارا دگۆتن ئەڤ كریارێن تیرۆرستی ژبەر هەژاریێ نە،بەلێ دەركەفت بەروڤاژی وێ چەندێ چنكو رێبەرێ وان دەولەمەندەكێ مەزن بوو ل سەر ئاستێ جیهانێ ،ودگۆتن ژبەر ناڤ ودەنگیێ وچێكرنا ناسناڤەكی بۆ بنەمالێ بەلێ دەركەفت رێبەرێ وان یێ دی ژبنەمالەكا ئەرستوكراتییا بناڤ ودەنگە كو باپیرێ وی شێخێ ئەزهەرێ بوو و باپیرێ ویێ ژلایێ دەیكێ ڤە ئێكەمین سەرۆكێ كۆمكارا ئەرەبی بوو ،و هەروەسا دگۆتن ئەو ڤان كاریارا ژ نەزانینێ وكێمیا فێركرنێ ئەنجام ددەن بەلێ دەركەفت نە وەسا چنكو ئەوێن ڤان كارا دكن گەلەك ژوان دەركەفتن ئەندازیار و نۆژدار و هەتا داویێ ،پاشی گۆتن ژبەر تۆلڤەكرنا فەلەستینیانە دیسان كەسەكێ باوەر نەكر چنكو هەتا نهۆ نە قاعیدێ و نە داعشێ هیچ كریارەك ئەنجام نەداینە ل دژی ئیسرائیل، تشتێ جهێ سەرسۆرمانێ ! ئەوە كو هندەك وەلاتیێن ڤی وەلاتی بەهانەیا بۆ تیرۆرێ چێدكەن ولسەر تۆرێن جڤاكی دبێژن فەرەنسا ملیۆن جەزائیری كوشتینە ،پسیار؟ بۆ وان گەلۆ قامشلۆ چەند جەزائیری كوشتینە كو ل 27/7/2016 تیرۆرێ گەلێ مە ل قامشلۆ كرە ئارمانج ئیدی بلا بەسبت ژ ڤێ دوو ڕوویاتیێ.
تُتاح هذه الصورة أيضا في: کوردی
