كوردستانێ پێتڤیا ب قه‌له‌م و ره‌وشه‌نبیریا گه‌نجان هه‌ی
جوان به‌روارى
مرۆڤ زۆر جاران بیر ل هنده‌ك پێشاهاتان دكه‌ت كو ئه‌و پێشهات دبنه داكوكیكرن د ناڤ ناخێ مرۆڤی دا و به‌رده‌وام بزاڤێ دكه‌ن خوه بكه‌نه د ناڤا ژیواره‌كی دا و خوه بگونجینن دگه‌ل وی ژیواری، ل ڤێره دیار دبیت د پۆچوونێن هه‌ر كه‌سه‌كی دا دهێته دیاركرن، كو ئاڤاكرنه‌ك یا هه‌ی به‌رده‌وام جۆرێن ره‌گه‌زان دڤێت د ناڤه‌رۆكا لاپه‌رێن ژیانا خوه دا بزاڤێن ئاڤاكرنا خوه بكه‌ن و هه‌رده‌م ئارمانجه‌ك بۆ خوه ده‌ستنیشان كریه و ئه‌وێ ئارمانجێ بكه‌نه ره‌نگڤه‌دانه‌ك بۆ پاشه‌رۆژا خوه و ناخێ خوه رۆژ بۆ رۆژێ ئاڤا بكه‌ن، لێ سه‌ره‌رای ڤێ چه‌ندێ ژی پرانیا گه‌نجێن ڤی سه‌رده‌می بزاڤێ دكه‌ن دێ چاوا كه‌سایه‌تیا خوه یا ره‌وشه‌نبیری ئاڤا كه‌ن و ب پیڤه‌رێن ڤێ ئاڤاكرنێ بنه كه‌سێن ناڤدار و پله بلند، ئه‌ڤه ژی دیالۆكه‌كا هه‌ری مه‌زنه كو ئه‌ڤرۆ كوردستانێ پێدڤیا ب قه‌له‌م و ره‌وشنبیریا گه‌نجان هه‌ی و هه‌ر ئه‌وێن یێن بنه ئالیگرێن دۆز و نه‌ته‌وه‌یا خوه، لێ ل ڤێره كو رێكێن هه‌ری ب ئاسانتر و پتر ب رۆنكرنێ ئه‌وه من دڤێت كو ئاماژێ بده‌مێ!.
راسته گه‌نجێ مه دڤێت خوه ئاڤا بكه‌ت ره‌وشنبیر بكه‌ت، لێ نزانیت چاوانیا ڤێ ئاڤاكرنێ دێ ب چ رێك و رێباز بیت و به‌رده‌وام دێ بزاڤێ كه‌ت كو چاڤلێكرنێ بكه‌ت و ل دووڤ زارڤه‌كرنا كه‌سێن ناڤدار دچیت ئه‌ڤه ژی دبیته ئه‌گه‌رێ شكه‌ستنێ (بۆ نموونه چارلی چاپلن كه‌سه ك بوو دڤیا خوه بكه‌ته مرۆڤه‌كێ ناڤدار ده‌مێ ده‌ست ب به‌رهه‌مئینانا فلمان كری ده‌رهێنه‌رێ وی گه‌له‌ك بزاڤ كرن كو ئه‌و بیته ئه‌كته‌ره‌كێ به‌رنیاس لێ وی ده‌می، چارلی ب سه‌رنه‌كه‌فت، تاكو زارڤه‌كرنا كه‌سایه‌تیا خوه ب خوه كری) ئه‌ڤجا ل ڤێره ئه‌م چه‌ند دشێین كاریگه‌ریا زارڤه‌كرنا خوه بێخینه د ناڤا مشكێ خوه دا، یان ژی د رۆژێن خوه دا چه‌ند ده‌مژمێران ئه‌م بزاڤێ بكه‌ین پێزانینان وه‌رگرین، ئانكو ده‌ست ب نڤیسانه‌كێ بكه‌ین كو ئه‌و نڤیسین دێ مه ئارام كه‌ت و مشكێ مه به‌ر ب پێكهاته‌كا نووڤه به‌ت، هه‌ر دیسان ئه‌م چه‌ند ماوێ خوه ته‌رخان دكه‌ین بۆ خواندنا پرتووكان بۆ وی تشتی ئه‌وێ ئه‌م دزانین دێ بۆ مه بیته جهێ مفا وه‌رگرتنێ بێگومان ئه‌ڤه رێژه‌یه‌كا هه‌ری كێمه د ناڤا گه‌نجێ مه دا كو رۆژانه رابیت ب دانانا خشته‌یه‌كی كو ئه‌و خشته یێ گرێدای بیت ب كارێن رۆژانه‌ڤه، له‌ورا یاگرنگه تو مرۆڤه‌ك بی په‌یره‌وێ ته ژ سالۆخه‌ت و شیانێن ته دیار ببیت، چونكی ئه‌گه‌ر ئه‌م هزر بكه‌ین چ جاران سه‌رڤه‌یا دو كه‌سان وه‌كی ئێك نابیت و جوانیا ده‌نگێ ته ئه‌وه یێ ب تنێ بیت و باشترین گۆتنا ته ئه‌وه یا ئاشكرا ببیت، هه‌ر دگه‌ل ڤێ چه‌ندێ ژی مرۆڤێ زیره‌ك و چه‌له‌نگ ئه‌وه یێ ڤیانا خوه بۆ ئارمانجێن خوه ته‌رخان بكه‌ت و به‌رده‌وام یێ بزاڤێ دكه‌ت كو شكه‌ستنان بگهۆریت و بكه‌ته قازانج و مرۆڤێ نه‌زان ئه‌وه یێ دو كاره‌ساتان ژ كاره‌ساته‌كێ دروست كه‌ت، له‌ورا هه‌رده‌م ب ئه‌رێنی به‌رێ خوه بده كاران هه‌ر كاره‌كێ پشتی دانپێدانا شاشیێن دیاربوونا وێ گومان تێدا نینه دێ مفا و په‌ند ژ وێ شاشیێ هێته وه‌رگرتن دێ بزاڤ هێته‌كرن جاره‌كا دی راستی وێ شاشیێ نه‌بی، هوسا دێ ژیانا خوه كه‌یه كه‌ته‌لوكه‌ك بۆ سه‌ركه‌فتنێ.
ئه‌ڤ گۆتاره ل مالپه‌رێ ئه‌ڤرۆ نيوز،ل رێككه‌فتى 19/6/2016به‌لاڤ بوويه.
تُتاح هذه الصورة أيضا في: کوردی
