هێزێن عێراقی بەرەیەکێ نوو د شەڕێ رزگارکرنا مووسلێ دا ڤەکر
وار
سوپایێ عێراقێ ئۆپه‌راسیۆنا رزگاركرنا باژێرێ گه‌یاره ده‌ستپێكرییه و وه‌زیرێ به‌رگریێ ژی رادگه‌هینیت؛ ئه‌و ئۆپه‌راسیۆن، دێ قۆناغا دوێ یا رزگاركرنا مووسلێ بیت.
هه‌ر یه‌ك ژ هێزێن دژه تیرۆر، فرقه‌یا 9، فه‌رمانده‌یێن ئۆپه‌راسیۆنێن سه‌لاحه‌ددین و نه‌ینه‌وا، هه‌روه‌سا حه‌شدا شه‌عبی، ژ دوهی رۆژا شه‌مبیێ، ده‌ست ب ئۆپه‌راسیۆنه‌كا به‌فره‌هـ بۆ رزگاركرنا باژاڕێ گه‌یاره یێ باشۆرێ مووسلێ كرییه.
دگه‌ل ده‌ستپێكرنا ئۆپه‌راسیۆنێ، هێزێن عێراقێ ژ باكۆرێ بێجێ به‌ره‌ڤ گه‌یاره ڤه پێشڤه هاتینه.
خالد عوبێدی وه‌زیرێ به‌رگرییا عێراقێ كو ئۆپه‌راسیۆن ب سه‌رپه‌رشتییا وی یه رادگه‌هینیت؛ ئه‌ڤه قۆناغا دوێ یا رزگاركرنا مووسلێ یه، گه‌یاره خاله‌كا ستراتیجی یه بۆ شه‌ڕێ مووسلێ، ژبه‌ركو فرۆكخانه‌یه‌كا سه‌ربازی لێ یه و دێ بۆ ئۆپه‌راسیۆنێن مووسلێ بكارهێت.
تُتاح هذه الصورة أيضا في: کوردی
