دام و دەزگەهێن رەوشەنبیری قوتابخانا دوویێ نە بۆ پەروەردەكرن ورەوشەنبیركرنا سنێلان
جوان بەرواری
هەر سنێلەك دمیشكێ خۆدا بۆ خۆ هیڤییەكێ ئانكو ئارمانجەكێ دەست نیشان دكت و وێ ئارمانجێ گەتە ئاشوپەك دمێشكێ خۆدا بۆ پاشەرۆژاخۆ، لێ ئەگەر ئەم تەماشەی ژیانا سنێلەی بكەین پرانیا دەمێ وانۆ ب بۆرینا تشتێن بێ مفا ڤە دچت و كێم تەرخەمن دخواندنا خۆدا ژی، بێ گومان ئەڤێ چەندێ ژی كاریگەرییا خۆ یا هەی ل سەر جڤاكی و پاشەرۆژا گەنجان، لێ ئەگەر ئەم بهێین بەرێ خۆدەینێ دڤی سەردەمی دا مە گەلەك كەسێن خودان شیان و رەوشەنبیر و لێهاتی هەنە كو بكارن خزمەتەكێ بو سنێلان بكن كو ئاستێ وانێ رەوشەنبیریێ بەرەڤ ئایندەكێ گەشترو بلند تر ببەن.
رەنگە ئەڤ دام دەزگەهێن رەوشەنبیری دبنە ئێك ژ رێیێن هەرە گرنك وپێشكەفتی بۆ رەوشەنبیركرنا ڤان سنێلان،هەروەسا دێ بنە رێخوشكەرەك بۆ وێ چەندێ كو پتر بێنە گرێدان ب خواندنێ ڤە و ل سەر بنەمایەكێ رەوشەنبیری بێنە پەروەردەكرن وئاڤاكرن و پتر وێرەكی ل دەڤ وان پەیدا دبت، وە كی من گوه ل بۆچوونا هندەك سنێلان بوی كو باشترین رێ بۆ بلندكرنا ئاستێ وان ئەوە ڤەكرنا خولێن رەوشەنبیری و سمینارو و ۆركشۆپ وچەندین خولێن دی یێن ب مفا هتد،یا فەرە دەمەك بۆ دەستنیشانكرنا ڤان خۆلان بێتە دیاركرن،كوئەو ژی بێنڤەدانا وەرزێ هاڤینێ بت،چنكو ڤەكرنا خولێن دام و دەزگەهێن رەوشەنبیری وەكی قوتابخانەكێ نە بۆ پەروەردەكرن ورەوشەنبیركرنا هەموو سنێلان،ژبەركو ئەو ژی قوتابخانا وان یادویێ یە و مێشكێ وان پتر دێ مینتە گەل خواندنێ و هزرا وان بەرفرەه تر دێ لێ ئێت ،ژلایەكێ دی ژی ڤە زانین و زانستێ وان دێ بتە ئەگەر كو جڤاك پێ بێتە ئاڤاكرن و بەرەف رەوشتەكێ ساخ و ساخلەم بچت.
ب بۆچوونا من ژی گرنگترین تشت ئەوە هندی ئەم بكارن پتر هەولبدەین خولێن جۆراو جور بو تەخا گەنجان و تایبەت سنێلان ڤەكەین و رێیا وان بكەینە رێیا ئاڤاكرنێ وهەموو شیانێت وان مەزێخین هزرا وان دەینە كاری،دا بەرەڤ ئایندەكێ گەش و رۆناهیێ بچن ،چنكو جڤاك ل سەر دەستێ گەنجان دئێتە ئاڤاكرن و وەلات ب وان یێ ئاڤایە.
تُتاح هذه الصورة أيضا في: کوردی
