ژنا ئێزدی قوربانیا داعشێ یە ل عێراقێ
جیهان عەبۆ
چما ژنێن ئێزدیان كرنە كۆیلە ؟ تیرۆرستێن داعش ژن ل جەم وان بێ قیمەتە یان ژبۆ شكاندنا كەرامەتا كچ و ژنێن ئێزدیان شنگال داگیركرن ؟چما ژن وكچێن غێری ئێزدی نە هاتنە كۆیلە كرن؟ رێكخراوا تیرۆرستی یا داعشێ ل 3/8/2014هێرش كرە سەر دەڤەرا شنگالێ كو پتریا ئاكنجیێن وێ ئێزدینە و مەزنترین تاوان بەرامبەر خەلكێ وێ كر ژ كوشتن و سەربرین و تالانكرن و رەڤاندن و كۆیلەكرنا ژن و كچێن ئێزدیان.
ئەڤێ رێكخراوا تیرۆرستی دەستێ خۆ یێ رەش گەهاندیە ژن و كچێن ئێزدی و مەزنترین تاوان بەرامبەر وان ئەنجام دان ، پیر و دایكێن ب تەمەن كۆمكوژكرن ، دەیك ب زارۆیێن وان ڤە كرین و فرۆتن پێكرن ل بازارێن وەلاتێن ئیسلامی و ئەرەبی دا،كچ و ژن هەتا نها دئێنە دەستدرێژیكرن ژلایێ مەزن و بەرپرسێن ئەڤێ رێكخراوێ ڤە،كچ و ژن یێ دئێنە ئێشان و ئازاردان و دنالن د زیندانان دا و دزیندانێ دە ئەڤێ رێكخراوێ رۆژانە سەد جارا لبن زۆلما واندا دچنە حالێ مرنێ ، بێ رەوشتیا نامرۆڤاتی بەرامبەر ئەڤان كچ و ژنان تێتە ب كارئینان ، ژنا ئێزدی هەموو تشتێ خۆ ژ دەست دایە زارۆ و كەرامەت و مال و ملك و مالبات و زەلامێ خۆ ئەڤە ژی هەموو،ژبەركو ئۆلا وێ ئێزدینە،كچ و ژنێن ئێزدی یێن ژ دۆزەخا ئەڤێ رێكخراوێ رزگاربووین روحێ وان مریە ب تنێ لەشێ وان دژیت،چنكو وەكی كەل و پەلان بازرگانی ژلایێ ئەندامێن ئەڤێ رێكخراوێ پێ هاتیەكرن ، كرین و فرۆتن ب كەرامەتا وان هاتیە كرن.
رەڤاندن و دەست درێژیكرن سەر ژنێن ئێزدیان ، بێ رەوشتی و بێ پەروەردەی بەرامبەر كچ ژنێن ئێزدی ئەڤ تیرۆرستنە ب ئەركەكێ خۆ یێ ئاینی دبینن،لژێر ناڤێ ئاینی كچ و ژنێن ئێزدیان ل ناڤ مالێ ئەرەباكرنە خزمەتكار و دەست درێژیكرنە سەر و كۆیلە كرن،لبەر چاڤێ هەموو دونیایێ و كۆمەلگەها نێڤ دەولەتی و رێكخراوێن مافێ ژنان و مرۆڤان مەزنترین بێ وژدانی و سڤكاتی بەرامبەر كچ و ژنێن ئێزدیان ئەنجام دان ،ئەڤ كریارێن داعش بەرامبەری كچ و ژنێن ئێزدیان خالەكا رەشە د روویێ گشت مرۆڤاتیێ دە ،ژبەركو دئاینێ وان یێ جودا بوو ئەڤ كارەستا مەزن ب سەرێ وان هات و ئەڤە ماوەیێ چەندین سالایە چەند دەڤەرێن وەلاتێ سوریا و ویلایەتا مووسل لبن دەستێ تیرۆرستێن داعش دانە، لێ سڤكاتی ب كەرامەتا كچ و ژنێن وان نائێتە كرن و وەكی كەلوپەلان بازرگانی و كرین و فرۆتن ب ژیانا ژن و كچێن وان نەهاتیە كرن،هەردیسان هێژایی گۆتنێ یە ئەڤێ رێكخراوێ نێزیكی ب هەزاران كچ و ژنێن ئێزدی ئێخسیر و دیل كرینە.
تُتاح هذه الصورة أيضا في: کوردی
