هیڤیا هەموو ئێزدیان رزگاركرنا كچێن د دەستێ تیرۆرستێن داعشێ دایە
گولستان عەلی
كچا ئێزدی دژیانا خۆ دا یە بێ بەهرە ژ گەلەك پێكهاتێن ژیانێ،ئێك ژ وان پێكهاتا یە پێتڤی یە مرۆڤ یێ ئازاد بت دژیانا خۆ دە،كچا ئێزدی یە بێ بەهرە ژ ڤێ ئازادیێ ژی نكارت ب ئازادانە بەردەوامیێ ب دەتە ژیانا خۆ،ژلایێ خووندنێ ڤە گەلەك كچ ئازاد نینن كو بەردەوامیێ بدەنە خوندنێ یان پشتەڤانیەكا باش نینە هاندنا وان بكت پاشەرۆژەكا باش ب دەست خۆ ڤە بینت،كو دپاشەرۆژا خۆ دا یا كەیف خۆش بت و پێتڤی ب كەسەكی نەبت.
گەلەك كچ هەنە بەردەوامیێ ب خووندنا خۆ نادەن یان ژ خووندنێ هاتینە دوور ئێخستن و كەفتینە كاری،داكو هاریكاریا خێزانێن خۆ بكن،بێگۆمان وان كچا خۆ ژ خۆشیا خووندنێ دوور ئێخستە داكو هەموو پێتڤیێن ژیانێ بۆ خێزانێن خۆ دابین بكن، دڤی سەردەمی دا گەلەك كچێن ئێزدی ددەستێ تیرۆرستێن داعشێ دانە و گەلەك زوولم و زۆرداریێ و نەخۆشیێ دبینن و نكارن خۆ ژ وان نەخۆشیا دوور بكن یان خۆ ژ دەستێ وان تیرۆرستا ئازاد بكن،بارا پترا ژ وان كچا تەمەنێ وان ژ هەژدە سالیێ كێمترە و دئێنە هژماركرن كو زارۆكن و ژ مافێ خۆ دوور بن.
پشتی رۆژا رەش 3/8/2015نەخۆشیێن كچا پتر لێهاتن چ وان كچێن دەستێ تیرۆرستان دە یان یێن ئاوارەبووین،هەورەسا ئەڤە سالەك و چار هەیڤ ل سەر كارەساتێ رە بۆرین و هێشتا ب سەدان كچێن كوردێن ئێزدی یێن گرتی نەهاتینە رزگاركرن،هیڤی و ئۆمێدا هەموو ئێزدیان ئەوە ئەڤ كچنە ب زووترین وەخت ژ دەستێ ڤان تیرۆرستان بێنە ئازادكرن.
تُتاح هذه الصورة أيضا في: کوردی
