ئەنجومەنێ شنگالێ سمینارەكێ ل دۆر رەوشا ئافرەتێ د كۆمەلگەهێ دا دگێرت
تۆرا لالش یا راگەهاندنێ/جیهان عەبۆ
ب ئامادەبوونا ژمارەكا زۆر ژ دام و دەزگەهێن میری و حزبی و كەسایەتێن سیاسی و جڤاكی و ٧٠ ئافرەتێن رزگاربووێین دەستێ داعش، ئەنجوومەنێ ئافرەتێن شنگالێ ب گێرانا سمینارەكێ بۆ (دلڤین خەلەف) بەرپرسا ئەنجوومەنێ ناڤبری ل دۆر(رەوشا ئافرەتێ د كۆمەلگەهێ دا) ل كەمپا كەبەرتوو ئێك رابوو.
دسمینارێ دا بەرپرسا ئەنجوومەنێ ئافرەتێن شنگالێ دیاركر كو ئافرەت نیڤا جڤاكی یە و رۆلەكێ گرنگ د جڤاكی دا و دحەموو بوارێن ژیانێ دا هەیە، هەروەسا ب تێرو تەسەلی بەحسێ رەوشا ئافرەتێ دكۆمەلگەهێ دا كر.
ل داویێ دانوستاندن دناڤبەرا ئامادەبوویان دا هاتە كرن،پاشی كەلوپەلێن ناڤمالیێ ب سەر وان ئافرەتێن ژ دەستێن داعش رزگاربووین دا هاتنە بەلاڤكرن.
بۆ زانین ئەنجوومەنێ ئافرەتێن شنگالێ،بەردەوامە دهاریكاریكرن و پێشڤەبرنا رەوشا ئافرەتێن شنگالێ.
تُتاح هذه الصورة أيضا في: کوردی
