ژن قوربانیا ئێكێ یا كۆمكوژییایە
جیهان عەبۆ 
پەلامارا داعش بۆ سەر شنگالێ جینۆسایدە ،چنكو تیرۆرستێن داعش دڤێ كارەساتێ دا هەول و ئەنجامدان قركرن و ژناڤبرنا كۆمەلەكا خەلكی ژ بەر ئاینێ وان ژ ناڤ ببەت،ئەڤە چەندە جینۆساید، ئێزدی ژ بەر دوو ئەگەران هاتنە جێنوساید كرن،ژبەركو ئەو كوردن و ئۆل ئێزدی بوون.
ئەڤە ژی ب هەمان شێوێ ئەوان جینۆسایدا كو ل سەدێ بیستێ هاتینە ئەنجامدان ،جینۆسایدا ئەرمەنیا ژ ئالیێ تووركیا،جوهیەكان ژ ئالیێ نازیەكان ڤە ئەڤە ژی ژبەركو ئاینێ وان جێواز بوو جینۆساید كرن،ل زۆربەیا تاوانێن جینۆساید و كۆمكوژیێن مرۆڤایەتی ژن قوربانیێن ئێكێ نە،لە كارەساتا شنگالێ ژی ب هەمان شێوە بوو،رەڤاندن و دەستدرێژیكرن سەر كچان و ژنێن ئێزدی و ب زۆری ژێ ستاندنا زارۆیان ژ دەیكان ئەڤە تاوانە ،لەورا ژن و زارۆك كەسانێن سڤیلن ،ئەوا بەرامبەر وی خەلكی هاتیە كرن كەسێن بێ گونەه بوون ب چەك بەرامبەر وان هاتیە كرن و وان چ زیان نەگەهاندە كەسەكی ل ژیانا ئاسایی یا خۆ دژیان،ل 3ی ئابا 2014ێ ل رۆژا روودانا ئەڤێ كارەساتێ هەتا نۆكە پتر ژ هەزار كەسێن ئێزدی ل ژێر دەستێ داعشێ دانە ،ئەوێ بازدان و رزگاربوون دكارن بێنە شایەت حالێن بێ هێز بۆ كەیسا ئێزدیان ،چنكو جینۆسایدكرنا كوردێن ئێزدی هەتا نۆكە ژی بەردەوامە ،گەلەك كەس ل ژێر دەستێ داعش دنالن و ب شێوەیەكێ درندانە مامەلە ل گەل وان دئێتە كرن.
نادیا مراد بوو سمبولەك بۆ كارەساتا شنگالێ ،نادیا رۆلەكێ مەزن هەیە ب ناساندنا كەیسا ئێزدیان ژبۆ جیهانی،بەداخەوە دەستدرێژی بۆ سەر كچ وژنێن ئێزدی بەردەوامە،ب راستی ل ناڤخۆ گرنگی پێ نائێتە دان و هەول ب دروستی نائێنە دان بۆ رزگاركرنا ژن و زارۆكێن بەند و كۆیلەكری ، بێگۆمان ژن و زارۆك ل هەموو شەران قوربانیێن ئێكێ نە،ل هەموو شەرا پەلامارا ژنێ دئێتە دان ،چنكو ل رۆژ هەلاتا ناڤەراست ژن وەك كەرەستەیەكی دئێتە بكارئینان ژلایێ رێكخراوێن تیرۆرستی ڤە بۆ تێركرنا حەزێن خۆ.
تُتاح هذه الصورة أيضا في: کوردی
