تۆرا لالش
ل رێكه‌فتی 9/3/2025، ب ئامادەبوونا حازم هادی بەرپرسێ ڕێکخراوا دێرسم و ڤیان خدر نوونەرێ ڕێکخراوا بارزان، و مجیۆر پیر کریت و پیر خەلات ئیلیاس، دگەل کۆمەکا میڤانێن هێژا، ب هه‌لكه‌فتا بیره‌وه‌ریێن ئادار و نه‌وروزێ نڤیسینگه‌ها لالش ل مه‌هه‌تێ به‌ریكانه‌كا زانستی ل دارخست.
ل ده‌ستپێكێ مه‌هدی حه‌سه‌ن به‌رپرسێ نڤیسینگه‌هێ په‌یڤه‌ك پێشكێشكر و تیشك خسته سه‌ر گرنگی و پیرۆزییا مه‌ها ئادار و نه‌وروزێ ل جه‌م كوردان و گۆت ئەڤ مەهه مەها قەدرێ یە ل جه‌م کوردان ژبەرکو گەلەک هه‌لكه‌فتێن دیرۆکی یێن خەمگین و سەربلند تێدا هەنە.
پاشان به‌ریكانێ ب پشكدارییا شه‌ش تیمێن ل ده‌ڤه‌رێ ژ هه‌ردوو ره‌گه‌زان ده‌ستپێكر و به‌رده‌وام پسیارێن گرێدایی دیرۆکا کوردی و چاند و ئەدەبیات و ساخله‌می و وه‌رزش و ئاینی و گشتی ئارسته‌ی وان دهاتنه كرن و وان ژی به‌رسڤ ددان.
ل داویێ تیما مامۆستا هەکاری ب پلا ئێکێ سەرکەفت، و ب خەلاتێن ڕێزگرتنێ هاتنه خه‌لاتكرن و پشكداران گرنگیا ڤان چالاکیان د بهێزکرنا هشیاری و ره‌وشه‌نبیریێ ل ده‌ڤه‌رێ بلند نرخاندن له‌وران سپاسیا نڤیسنگه‌ها لالش مه‌هه‌تێ و به‌رپرسێ وێ مه‌هدی حه‌سه‌ن هاته كرن.
تُتاح هذه الصورة أيضا في: کوردی
