نڤیسینگەھا لالش مەھەتێ جڤینه‌ك بۆ پەرلەمانتارەکی پەرلەمانێ عیراقێ به‌رهه‌فكر
نڤیسینگەھا لالش مەھەتێ:
ل رێکەفتی ئێكی ئەیلولا 2022ێ و ب مەرەما ئاگەهداربوون ل سەر رەوشا عیراقێ و کوردستانێ ب گشتی و ئێزدیان ب تایبەت و کاودانێن نها یێن ئالۆز یێن عیراقێ, نڤیسینگەھا لالش مەھەتێ جڤینەک بۆ پەرلەمانتارێ پەرلەمانێ عیراقێ رێزدار (شریف سلیمان علی )ل باخچێ هۆلا لالش مەھەتێ رێکخست ل دۆر (رەوشا عیراقێ و کوردستانێ ب گشتی و ئێزدیان ب تایبەتی).
ب ئامادەبوونا بەرپڕسێ لیژنا شێخان یا پارتی دیموكراتی كوردستان رێزدار ھاشم لەتیف دگەل ھەر سێ بەرێزان حازم ھادی و خدر علی مادو و حازم شاكر بەرپرسێن رێكخراوێن كۆمەلگەھێ و رێزدار خلف ئەلیاس ئەندامێ دەستەیا بلندا لالش دھوك و ژمارەکا زۆر ژ کەساتەیێن میری و حزبی و ئۆلی و رەوشنبیر و رێکخراوێن پیشەیی و جەماوەرکی ژ تەخ و چینێن جودا جودایێن كۆمەلگەھا مەھەتێ و دەڤەرێ جڤینا ناڤبری ب رێڤەچوو.
ل دەستپێکێ بەڕێز (مەھدی حەسەن موراد) بەرپرسێ بنگەهێ لالش ل كۆمەلگەھا مەھەتێ بخێرهاتنا تەڤایا ئامادەبوویان کر و رێزگرتن دەقیقەك راوستیان بێ دەنگی ل سەر گیانێ پاكێ شەھیدێن كورد و كوردستانێ و سەروەرێ وان بارزانیێ نەمر و كاك ئەدریسێ جوانە مەرگ ل دووڤدا جڤینێ دەستپێکر.
پەرلەمانتار (شریف سلێمان علی) پەرلەمانتارێ پەرلەمانێ عیراقێ سەر ب لیستا پارتی دیموکراتی کوردستان بۆ ئامادەبوویان بەحسا رەوشا عیراقێ و کوردستانێ ب گشتی و ئێزدیان ب تایبەت دا زمان و ئاماژە دا رەوشا نها یا عیراقێ و ئالینگاری و ئالۆزیێن یێن عیراق تێدا دەرباز دبن.
دیسان وەکو ئەندامێ لێژنا ئەوقافا كاروبارێن ئاینی ل پەرلەمانێ ناڤبری چەندین پرس و بابەتێن بالکێش دانە خویاکرن دەربارەی رەوشا ئاواران و نوژەنكرنا مەزارگەھێن ئولی و نوژەنكرنا قوب و ھلێلا و گرنگی دان ب مەزارێن ئێزدیسن زێدەباری چەندین بابەت و خالێن بالکێش کو ژلایێ بەڕێزی ڤە بۆ ئامادەبوویان بەحس کرن، زێدەباری گوهدراکرنا پرسیار و پێشنیار و تێبینیێن ئامادەبوویان.
ل داویێ دان و ستاندنەکا گەرم لدۆر بابەتێ جڤینێ دناڤبەرا پەرلەمانتاری و ئامادەبوویان هاتە گەنگەشەکرن و بەرسڤا پرسیارێن ڕێزداران هاتە دان.
س.س
تُتاح هذه الصورة أيضا في: کوردی
