ل ئێڤاريا ڕۆژا پێنج شه‌مبوويێ 21ى ته‌باخا 2025، بنگه‌هێ لالش ل دهۆكێ دانوستاندنه‌كا ڤه‌كرى بۆ نڤيسه‌ر “عزه‌دين سه‌ليم باقه‌سرى”  ل دۆر په‌رتووكا وى يا بناڤێ(ميترا)ڕێكخست.

وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه‌ مه‌رگ ئاماده‌بوويى خۆله‌كه‌كێ سه‌كنين.

ل دووڤدا ب ئاماده‌بوونا كۆمه‌كا بژاره‌ ژ ئه‌كاديمى، كه‌سايه‌تى، مامۆستا و ڕه‌وشه‌نبيرێن ئێزديان، دانوستاندنا ڤه‌كرى ده‌ستپێكر.

ل به‌راهيێ نڤيسه‌رى ب تێر و ته‌سه‌ڵى به‌حسێ ناڤه‌ڕۆكا په‌رتووكا يا نوو بناڤێ ميترا كر و گۆت: خەما من و هەموو خەمخۆرێن ئێزدیان، ئه‌و بوويه‌ ئێزدی ل سەر ئێک گۆتاریا ئێزدیان کۆک و ئێکگرتى بن ودڤێت خۆ ل دیرۆکا خۆ بکەینە خودان.

دلايه‌كێ دى دا، نڤيسه‌رعزه‌دين سه‌ليم باقه‌سرى باڵكشانده ‌سه‌ر قۆناغێن هاتنا شیخادی و گوهۆڕینێن دناڤ ئێزديان دا ئەنجام داین كر.

گۆتژى: فەرە هەموو نڤیسەرێن ئێزدی ڕۆلەکێ مەزن بگێرن د نڤیسینیا فەلسەفا ئێزدیاتیێ و دیرۆکا ئێزدیان دا و كار ژبۆ دروستکرنا ئێک گۆتاریا ئێزدیان بكه‌ن.

پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ نڤيسه‌رى ڤه‌ هاتنە دان.

په‌رتووكا ميترا ب زمانێ عه‌ره‌بى هاتيه‌ وه‌شاندن و نوكه‌ كه‌فتيه‌ به‌رده‌ستێ خوانده‌ڤانان.

ل هه‌موو ڕۆژێن پێنج شه‌مبا ل بنگه‌هێ لالش ل دهۆكێ، دانوستاندنه‌كا ڤه‌كرى ل دۆر مژارێن جودا جودا ده‌رباره‌ى ڕه‌وشا ئێزديان بۆ ڕه‌وشه‌نبيران دئێته ڕێكخستن.