ئازار 03, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌سرور بارزانی: ژاپۆنێ ئەزموونەكا زۆر دەولەمەندا هەی و كوردستان دشێت مفای ژێ وەرگریت

مه‌سرور بارزانی: ژاپۆنێ ئەزموونەكا زۆر دەولەمەندا هەی و كوردستان دشێت مفای ژێ وەرگریت

باسنيوز:

ئەڤرۆ سێشەمبی 28/11/2023، ب ئامادەبوونا مەسرور بارزانی، سەرۆکێ حکوومەتا هەرێما کوردستانێ، ڕێورەسمەکا تایبەت بۆ پرۆژە و چالاکیێن ئاژانسا جایکا یا ژاپۆنی ل هەولێرێ برێڤە چوو، د وێ ڕێورەسمێدا سەرۆکێ حکوومەتێ گوتارەک پێشکێشکر.

ئەڤە ژی دەقێ گۆتارا سەرۆکێ حکوومەتا هەرێما کوردستانێ یە: ب ناڤێ خودایێ مەزن و دلۆڤان برێزان، ئامادەبوویێن هێژا زۆر خۆشحاڵم كۆ دگەل وە پشکدارم و زۆر خۆشحالم كۆ بالۆێزێ ژاپۆنێ دگەل مە یێ پشکدارە، هەروەسا بەرپرسێ جایكا ل عێراقێ و نوێنەرێن دی تر یێن جایكا ل ڤێرەنە، ئەس زۆر زۆر خۆشحالم كۆ ئەڤ دەرفەتە رێكخست بۆ ڤێ هەلکەفتێ و ئەس ژی پشکدارم دگەل وە.

خۆشحالم كو پشکدارم دگەل وە بۆ ڤێ هەلکەفتا گرنگ بۆ گۆتۆبێژکرن دەربارێ كار و چالاكی و پرۆژێن ئاژانسا جایكا یا ژاپۆنی و هاریكاری و هەماهەنگییا وان دگەل حكوومەتا هەرێما كوردستانێ كۆ د سالێن بوریدا د چەندین پرۆژێن گرنگ و جودا جودا هاریكارییا حكوومەتا هەرێما كوردستانێ كریە.

ئاشكرایە کۆ دەولەتا ژاپۆنێ ئەزموونەكا گەلەک دەولەمەند هەیە ل جیهانێ جهێ ڕێز و پێزانین و سەرسامییە و ئەزموونەكە کۆ ئەم دشێین ل كوردستانێ مفای ژێ وەرگرین، خەلكێ ژاپۆنێ ل سەدەیا بوریدا ب قۆناغێن زۆر دژواردا دەربازبویە وەكۆ خەلکێ كوردستانێ، شەڕ و كاڤلكاری و مالوێرانییەكا زۆر دیتیە، بەلێ ژبلی وان هەمی نەخۆشی و كارەساتان، ژاپۆنییان نموونەیەكا زۆرا سەركەفتی پشتی دوماهیا شەرێ جیهانێ نیشا جیهانێ دا، پشتی کۆ ئەو هەمی كاڤلكاری ب سەروانژدا هاتی، دەست ب پرۆسەكا بەرفرەهـ و هەمی ئالیێن ئاڤەدانكرنێ و بونیادنانا ولاتێ خۆ كر، ئەڤە ژی تەنێ ب گرێدان ب هێزا مرۆڤان.

ئەڤرۆ ژاپۆن ئێکە ژ مەزنترین و پێشكەفتیترین ولاتێن دونیایێ د بوارێ پیشەسازی و تەكنەلۆژیایێدا، ژبەرکۆ دشێین بێژین كۆ ئەزموونا سەركەفتی یا ژاپۆنێ بۆ مە ل هەرێما كوردستانێ زۆر جهێ مفا ژێ وەرگرتنێ یە، تایبەت د بوارێن وەبەرهێنان د سامانێن مرۆڤی و پێگەهاندنا نفشێ نوی لسەر داهێنان و كاركرن ب دڵسۆزی و رێزگرتن ل دەم و خۆشتڤییا ولاتی و پاراستنا ناسنامە و تایبەتمەندیێن مە.

مە رێز و پێزانینێن زۆر بۆ خەلك و حكوومەتا ژاپۆنێ و ب تایبەتی ئاژانسا جایكا هەنە كۆ د چەند سالێن بووریدا ل چەندین بواراندا هاریكارییا هەرێما كوردستانێ كریە، ب تایبەتی پشتەڤانیكرنا چەندین پرۆژێن خزمەتگوزاری د بوارێن ئاڤ و كەهرەب و چاندن و هەروەسا گرنگیدانا شیانێن مرۆڤی و راهێنانكرن ب بەرپرس و كارمەندێن حكوومەتا هەرێما كوردستانێ.

هیڤیدارم ئەو برێزێن خولێن ڕاهێنانێ دیتنە ل ژاپۆنێ یان ل هەرێما كوردستانێ کۆ ژ لایێ پسپۆرێن ژاپۆنیڤە ڕاهێنان پێ هاتیە كرن، مفا ژ ئەزموونا دەولەمەندا ژاپۆنێ دیتیە و ئەو شارەزایی و پسپۆری بدەستڤە ئینایە، د بوارێن خۆدا د ناڤا دامودەزگەهێن حكوومەتا هەرێما كوردستانێ بكاربینن و رۆلێ خۆ دپرۆسا گەشەپێدان و پێشخستنا ژێرخانا ئابووری و كارگێرییا هەرێما كوردستانێدا بگێرن.

ژ بلی پێزانینێن من یێن دووبارە بۆ هاریكاریێن ئاژانسا جایكا، هیڤیدارم هاریكاریێن خۆ بۆ هەرێما كوردستانێ بەرفرەهتر بكەن، خوازیارین ئەو هاریكاری و هەماهەنگییا دگەل حكوومەتا هەرێما كوردستانێ، زێدەتربیت، وەبەرهێنان و هاتنا كۆمپانیێن ژاپۆنی بۆ هەرێما كوردستانێ بەرفرەهتر بیت، بۆ هندێ هاریكار و یارمەتیدەرێن مە بن د پرۆسا چاكسازیێ دا كۆ مە دەست پێكریە هەتا کۆ مفای ژ ئەزموونا سەركەفتی و دەولەمەند یا ژاپۆنی د بوارێن ئاڤەدانكرن و گەشەپێدان و داهێنانێ دا ببینین.

ببوورن ئەس ژاپۆنی نزانم بۆ هندێ سوپاسیا وە بكەم، بەلێ جارەكا دی تر ژی دەستخۆشیێ ژ وە دكەم و سوپاسیا وە دكەم، هین ژی هەر شاد و سەركەفتی بن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi