حوزه‌یران 23, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەسرور بارزانی: پێدڤییە حكومەتا عیراقێ قەرەبوویا خێزانێن شەهیدێن هەلەبجە بكەت

مەسرور بارزانی: پێدڤییە حكومەتا عیراقێ قەرەبوویا خێزانێن شەهیدێن هەلەبجە بكەت
خانى نيوز:

مەسرور بارزانی، سەرۆکێ حکومەتا هەرێما کوردستانێ د سالڤەگەرا كیمیا بارانا هەلەبجەدا پەیامەك بەلاڤكر و ڕاگەهاند، ئەڤرۆ ب ڕێز ڤە سالڤەگەرا شەهیدێن ستەملێکری یێن كیمیا بارانا هەلەبجە دكەین كو د تاوانەكا هۆڤانەدا بوونە قوربان و هەردەم د دەروون و وژدانا گەلێ كوردستان و مرۆڤایەتیێدا ب زیدی ماینە.
مەسرور بارزانی گۆت، د ئەڤێ سالڤەگەرا خەمگیندا، هەلویستێ حكومەتا فیدرال ب فەرمی پەسەندكرنا پارێزگەها هەلەبجە بلند د نرخینین، كو چەندین سالە بڕیار ل پەرلەمانێ كوردستانێ ل سەر دایە، هەر د ئەڤێ رۆژێدا دووپات ل هندێ دكەین كو پێدڤییە حكومەتا فیدرال د ئاستێ بەرپرسیارییەتا ئەخلاقی یێ خۆدا بیت و هەر وەك د دەستووریدا هاتی،و ب شێوەكێ دارایی، قەرەبوویا كەسوكار و خێزانێن شەهیدێن هەلەبجە و ئەنفالێ و هەمی زیانڤێككەفتی و قوربانییێن دەستا ڕژێما بەعس بكەت و ل دووماهیك سەرەدانا سەرۆكوەزیرێن عیراقێ بۆ هەرێما كوردستانێ، دووپات ل گرنگییا جێبەجێكرنا ئەڤێ بڕگەیا دەستووری كر.
سەرۆکێ حکومەتا هەرێما کوردستانێ دیاركر، 35 سال ب سەر ئەڤێ تاوانێ دەربازبوون، بەلێ هێشتا برینا کەسوکارێن شەهید و بەركەفتییێن هێرشا کیمیاوی یا هەلەبجە ساڕێژ نەبوویە و ئێش و ئازارا قوربانییێن تاوانا ڕژێما بەرێ یا عیراقێ دووماهیك نەهاتییە. ئەڤە ئەرکێ هەمی لایەكی یە، ب تایبەتی حکومەتا فیدرال و جڤاكێ ناڤدەولەتی كو د هاریكار بن بۆ هندێ خزمەتەكا دارایی بۆ وەلاتییێن خۆراگر و قوربانییێن هەلەبجە باژێرێ شەهیدان و مەلبەندێ ڕووناکبیر و زانا بکەین و ئاڤەدانتر بکەین.
هەروەسا مەسرور بارزانی، سەرۆکێ حکومەتا هەرێما کوردستانێ دووپات ل حكومڕانییەكا پاقژ كر كو یا دویر بیت ژ دەست تێوەردانا کەسی و حزبی و ڕێگریێ ل دامودەزگایێن فەرمی یێن حکومەتێ ، بۆ هندێ باشتر خزمەتا وەلاتییێن ستەملێکراوی یێن هەلەبجە بكەین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi