هه‌لبژارتنێن پارێزگه‌هان دێ ل نیسانا 2020 هێن كرن
WAAR-دهۆك:
سه‌رۆكاتییا په‌رله‌مانێ ئیراقێ راگه‌هاند؛ هه‌لبژارتنێن جڤاتێن پارێزگه‌هان دێ ل ده‌مێ خوه یێ دیاركری ل 20ی نیسانا سالا بهێت، هێن كرن.
حه‌سه‌ن كه‌عبی، جێگرێ ئێكێ یێ سه‌رۆكێ په‌رله‌مانێ ئیراقێ و لژنه‌یا هه‌رێم و پارێزگه‌هان یا په‌رله‌مانی، دگه‌ل جڤاتێن هه‌ژماره‌كا پارێزگه‌هێن ئیراقێ كۆمبوو و گۆتوبێژا راستڤه‌كرنێن پێدڤی بۆ قانوونا هه‌لبژارتنێن پارێزگه‌هان كر.
حه‌سه‌ن كه‌عبی د به‌یانه‌كێ دا دیاركر، په‌رله‌مانێ ئیراقێ دوپاتی ل هه‌لبژارتنان د ده‌مێ خوه یێ دیاركری دا دكه‌ت، ئه‌و ژی ل نیسانا سالا بهێت 2020ێ.
جێگرێ سه‌رۆكێ په‌رله‌مانی و سه‌رۆكێن جڤاتێن پارێزگه‌هان، دانانا هه‌یكه‌له‌كێ بۆ رێكخستنا كارێن جڤاتێن ده‌ڤه‌ردارییان ژی د كۆمبوونێ دا گۆتوبێژ كرن.
تُتاح هذه الصورة أيضا في: کوردی
