وەلاتییێن ئیراقێ بێ ڤێزا پێشوەخت دشێن بچنە لوبنانێ
WAAR-دهۆك:
وەلاتەکێ گەشتیاری یێ ئەرەبی ئاسانکاری بۆ سەرەدانا وەلاتییێن ئیراقی کر و ھەلگرێن پاسپۆرتێن ئیراقی دشێن ل دەروازەیێن وی وەلاتی ڤێزێ وەربگرن.
ل گۆرەی نڤیسارەکا وەزارەتا ناڤخوەیا ئیراقێ، ھەلگرێن پاسپۆرتێن ئیراقی دشێن ل فرۆکخانە و دەروازەیێن ئەردی و و دەریایی یێن لوبنانێ ڤیزا وی وەلاتی وەربگرن.
ھەر ل گۆرەی نڤیسارا وەزارەتا ناڤخوەیا ئیراقی، قاسم ئەعرەجی فەرمانەکا وەزرای دەرکرییە و تێدا فەرمان ل وەزارەتا دەرڤە کرییە، ل فرۆکخانە و دەروازەیێن ئەردی و دەریایی ڤیزێ ب وەلاتییێن لوبنانێ بدەن ب ھەمان شێوێ بریارا حکومەتا لوبنانێ.
لوبنان وەلاتەکێ ئەرەبی یە و دکەڤیتە سەر دەریا ناڤەراست و ئێک ژ وەلاتێن گەشتیارییە ل سەر ئاستێ جیھانێ.
تُتاح هذه الصورة أيضا في: کوردی
