پارتی: گەلی د هەلبژارتنان دا نشتیمانپەروەر سەر ئێخستن
WAAR-دهۆك:
مه‌كته‌با سیاسى یا پارتییا دیموكرات یا كوردستانێ راگه‌هاندنه‌ك ل دۆر سه‌ركه‌فتنا لیستا خوه د هه‌لبژارتنان دا به‌لاڤ كر و راگه‌هاند: گه‌لێ كوردستانێ د هه‌لبژارتنان دا نشتیمانپه‌روه‌ر و به‌رگریكارێن دۆزا ره‌وا سه‌ر ئێخستن.
د راگه‌هاندنێ دا مه‌كته‌با سیاسى یا پارتی پیرۆزباهى ل خه‌لكێ كوردستانێ، ده‌نگده‌ر، ئالیگر و ئه‌ندامێن پارتى كر و دیار كر: سه‌ركه‌فتنا مه‌زن یا پارتى دێ پێگه‌هێ سیاسى یێ هه‌رێمێ بهێزتر كه‌ت و ئه‌زموونا وێ یا دیموكراسى پێشتر ڤه‌به‌ت و سه‌ركه‌فتنا پارتی نیشانا باوه‌ریدانا گه‌لێ كوردستانێ ب نشتیمانپه‌روه‌ر و به‌رگریكارێن دۆزا ره‌وا یه.
مه‌كته‌با سیاسى یا پارتى دا زانین ژى، سه‌ربارى تێبینیێن وان ل سه‌ر برێڤه‌برنا هه‌لبژارتنان ل هنده‌ک ده‌ڤه‌ران، جاره‌كا دى په‌یاما ئێكرێزى و ئێكده‌نگیێ دوپات دكه‌ن و ب هیڤى نه، کو هه‌موو ئالى ژبۆ خزمه‌تا گه‌ل و هه‌رێما كوردستانی ده‌ست بده‌نه هه‌ڤ و هه‌ڤکار بن.
مه‌كته‌با سیاسى یا پارتى هه‌روه‌سا خه‌لكێ كوردستانێ پشتراست كر، كو دێ حكومه‌ته‌كا بهێز پێک ئینن و خزمه‌ته‌کا ژ هه‌ژی ده‌نگده‌رێن خوه و هه‌موو كوردستانییان پێشکێش که‌ن.
تُتاح هذه الصورة أيضا في: کوردی
