فەرماندارییا پێشمەرگەی: ل پردێ پلانا نەیار و خیانەتکاران ھات شکاندن
WAAR-دهۆك:
فەرماندارییا ژوورا ئۆپەراسیۆنێن پێشمەرگەیێ کوردستانێ بەیانەک ب ھەلکەفتا بۆرینا سالەکێ ل سەر داستانا پردێ بەلاڤ کر و راگەھاند؛ پێشمەرگەی د رۆژەکا وەکو ئەڤرۆ دا ل پردێ داستانەک تۆمار کر و پیلانێن نەحەزێن دەرڤە و ناڤخوە ژناڤبرن.
فەرماندارییا ژوورا ئۆپەراسیۆنێن پێشمەرگەیێ کوردستانێ د بەیانا خوە دا راگەھاند؛ ئەو پیلانا خیانەتا مەزن یا ل شازدە ئۆکتۆبەرێ ھاتییە کرن و پشتا پێشمەرگەی بەردای و کەرکووکا دلێ کوردستانێ ب ئەرزانی فرۆشتی، وێ خیانەتێ وەکر نەیارێن گەلێ كورد، ھەرێما کوردستانێ ب رێیەکا ب ساناھی بزانن و داگیر بکەن.
ئاشکرا ژی کر، داستانا پێشمەرگەی ل پردێ تۆمار کری و قارەمانییا وان ل سحێلا و مەخمووری و رۆژھەلاتێ دیجلەی ل دژی داگیرکاران، خەونێن وان ژناڤبرن و کوردستان ب سەربلندی ھێلا.
فەرماندارییا ژوورا ئۆپەراسیۆنێن پێشمەرگەیێ کوردستانێ ئاشکرا ژی کر، بیستی ئۆکتۆبەرێ وەر چەر خانەکا مەزن بوو د خەباتا گەلێ کوردستانێ دا و دیرۆکەکا پری شانازی تۆمار کر، پێشمەرگەی ژی سەلماند کو کورد خودان دۆزەکا رەوانە و بەرھەڤن تا داوی دلۆپا خۆینێ بەرگریێ ژ ئاخ و کەرامەتا وێ بکەن.
تُتاح هذه الصورة أيضا في: کوردی
