ره‌وتا حیكمه: تنێ كورد دشێن كوتله‌یا مه‌زن ئێكلا بكه‌ن
WAAR-دهۆك:
ره‌وتا حیكمه یا عه‌مار حه‌كیم سه‌رۆكاتییا وێ دكه‌ت، راگه‌هاند؛ تنێ كورد دشێن كوتله‌یا مه‌زن ئێكلابكه‌ن و پێكئینانا حكومه‌تا نوو ب داوی بینن.
نوفه‌ل ئه‌بوره‌غیف په‌یڤدارێ ره‌وتا حیكمه گۆت: ناڤه‌رۆكا كێشه‌یا پێكئینانا كوتله‌یا مه‌زن، ژمارا ئه‌ندامێن په‌رله‌مانی یه، كو تا نها هه‌ردو كوتله‌یێن سه‌ره‌كی، نه‌شیاینه وێ ژمارا پێدڤی كۆمبكه‌ن و حكومه‌تێ راگه‌هینن.
گۆت ژی: كوردان پتری پێنجی كورسیێن په‌رله‌مانی هه‌نه و تا نها ل گه‌ل چ كوتله‌یێن سه‌ره‌كی رێكنه‌كه‌فتینه، له‌و نها تاكه رێ بۆ پێكئینانا كوتله‌یا مه‌زن و راگه‌هاندنا حكومه‌تا نوو، پشكدارییا كوردانه.
تُتاح هذه الصورة أيضا في: کوردی
