نێچیرڤان بارزانی: هه‌لبژارتن دێ د ده‌مێ خوه دا هێنه كرن
WAAR-دهۆك:
پارتییا دیموكرات یا كوردستانێ سه‌ره‌دانا یه‌كگرتوویا ئیسلامی كر و پشتی كۆمبوونێ نێچیرڤان بارزانی راگه‌هاند؛ چ رێككه‌فتن بۆ پاشخستنێ نینن و هه‌لبژارتن دێ د ده‌مێ خوه دا هێنه كرن.
د كۆنگره‌یه‌كێ رۆژنامه‌ڤانی دا، سه‌لاحه‌دین بهائه‌دین ئه‌میندارێ یه‌كگرتوویا ئیسلامی، گۆت: كۆمبوونا ل گه‌ل پارتی گه‌له‌كا ئه‌رێنی بوو و هه‌موو بابه‌تێن رۆژه‌ڤێ هاتنه به‌حسكرن و هه‌ردو ئالی ل سه‌ر پترییا بابه‌تان هه‌ڤڕابوون و دوپاتی ل ئێكرێزییا ئالیێن كوردستانی ب تایبه‌ت ل به‌غدا هاته كرن.
گۆت ژی: گه‌له‌ك ده‌م ل به‌رده‌ست نینه و پێدڤییه كۆمبوونه‌كا مه‌زن یا ئالیێن كوردی بهێته كرن و هه‌موو پرسێن گرێدای حكومه‌تا ئیراقێ و هه‌لبژارتنێن هه‌رێمێ، تێدا بهێنه ئێكلاكرن.
نێچیرڤان بارزانی، جێگرێ سه‌رۆكێ پارتی ژی راگه‌هاند؛ پارتی دێ سه‌ره‌دانا هه‌موو ئالییان كه‌ت و ئێكرێزییا كوردان ل به‌غدا، دێ گرنگترین خالا دانوستاندنێن وان بیت.
ده‌رباره‌یی هه‌لبژارتنان ژی، نێچیرڤان بارزانی گۆت: تا نها چ ئالییان ب فه‌رمی داخوازا پاشخستنا هه‌لبژارتنان نه‌كرییه و چ رێككه‌فتن بۆ پاشخستنێ نینن و هه‌لبژارتن دێ د ده‌مێ خوه دا هێنه كرن.
تُتاح هذه الصورة أيضا في: کوردی
