مه‌سروور بارزانی: پارتی سه‌رێ خوه ل به‌ر چ فشاران ناچه‌مینیت
WAAR-دهۆك:
مه‌سروور بارزانی، په‌یامه‌ك د حه‌فتێ و دو سالییا دامه‌زراندنا پارتییا دیموكرات یا كوردستانێ دا به‌لاڤ كر و راگه‌هاند؛ پارتی ئالاهه‌لگڕا مافێن گه‌لێ كوردستانێ یه و سه‌رێ خوه ل به‌ر چ فشاران ناچه‌مینیت.
مه‌سروور بارزانی، شیره‌تكارێ جڤاتا ئاسایشا هه‌رێمێ و ئه‌ندامێ مه‌كته‌با سیاسی یا پارتی د په‌یاما خوه دا گۆت: پشتی حه‌فتێ و دو سالان، پارتی ب هێزه‌كا مه‌زنتر ڤه، به‌ره‌ڤ پاشه‌رۆژه‌كا گه‌ش گاڤان د هاڤێژیت و وه‌كو هه‌رده‌م ئالا هه‌لگڕا مافێن ره‌وایێن گه‌لێ كوردستانێ یه و تا بده‌ستخستنا هه‌موو مافان دێ به‌رده‌وامبیت و سه‌رێ خوه ل به‌ر چ فشار و گه‌فان ناچه‌مینیت.
دا یه زانین ژی: پارتی هێڤێنێ ئێكرێزییا ناڤ مالا كوردستانێ یه و پارتی یا بهێز بیت دێ كوردستان یا بهێز بیت، له‌و پێدڤییه ژ هه‌رده‌مه‌كی زێده‌تر، ئالیگرێن پارتی ژ هه‌ر ده‌مه‌كی ئاماده‌تر د مه‌یدانا خه‌باتێ دا بن.
خویا ژی كرییه، سه‌رۆك بارزانی رێبه‌ر و هێمایێ مه‌زنێ نشتیمانییه، هه‌موو ژیانا خوه بۆ سه‌رفه‌رازییا مله‌تێ خوه ته‌رخانكرییه.
تُتاح هذه الصورة أيضا في: کوردی
