مەکگۆرک: بارزانی راست دبێژیت و هەلبژارتن پرسەکا ناڤخوە یە
WAAR-دهۆك:
هنارتیێ تایبەتێ سەرۆکێ ئەمریکا بۆ هەڤپەیمانییا دژی داعشێ رەت کر کو داخوازا پاشخستنا هەلبژارتنێن هەرێما کوردستانێ کربیت و راگەهاند؛ ئەو بابەت پرسەکا ناڤخوە یە.
برێت مەکگۆرک، هنارتیێ تایبەتێ سەرۆکێ ئەمریکا بۆ هەڤپەیمانییا نێڤدەولەتی یا دژی داعشێ د ئەکاونتێ خوە یێ تویتەری دا راگەهاند؛ سەرۆکوەزیر نێچیرڤان بارزانی راست دبێژیت، وی داخوازا پاشخستنا هەلبژارتنێن پەڕلەمانێ کوردستانێ نەکرییە، ژبەر کو ئەو پرسەکا ناڤخوە یە.
مەکگۆرکی د وێ تویتێ دا داخواز کرییە؛ سەرکردەیێن هەرێما کوردستانێ و پەڕلەمانێ کوردستانێ ب لبەرچاڤوەرگرتنا رەوشا ئیراق و دەڤەرێ، بڕیارێ ل سەر هەلبژارتنان بدەن.
دەمێ چەندین رۆژانە نووچەیەک ل ژمارەکا کەنالێن هەرێمێ و ئیراقێ بەلاڤ بوویە کو مەکگۆرکی داخوازا پاشخستنا هەلبژارتنێن هەرێما کوردستانێ ژ سەرکرداتییا پارتی دیمۆکراتی کوردستان کرییە، لێ هەر زوو نێچیرڤان بارزانی، سەرۆکوەزیرێ هەرێما کوردستانێ، نووچە رەت کربوو.
تُتاح هذه الصورة أيضا في: کوردی
