ڤێ هه‌فتیێ پارتی و ئێكه‌تی دێ پرۆژه‌یێ خوه راگه‌هینن
WAAR-دهۆك:
بریاره ڤێ هه‌فتییێ مه‌كته‌بێن سیاسی یێن پارتی دیمۆكراتی كوردستان و ئێكه‌تییا نیشتیمانی كۆمببن و پرۆژه‌یێ خوه یێ پشكداریێ د حكومه‌تا ئیراقێ دا رابگه‌هینن.
ل گۆره‌یی ئاگه‌هییێن وار، پرۆژه‌یا هه‌ڤپشكا پارتی و ئێكه‌تیێ، ل دۆر پێكئینانا شانده‌كا كوردستانی یه بۆ پشكداریكرنێ د حكومه‌تا ئیراقێ دا، هه‌روه‌سا پاكێجا هه‌ردو ئالییانه بۆ گه‌ره‌نتیكرنا مافێن دستووری و قانوونی یێن هه‌رێمێ و پشتی د كۆمبوونا ڤێ هه‌فتیێ یا هه‌ردو مه‌كته‌بێن سیاسی دا دهێته په‌سه‌ندكرن، دێ وی پرۆژه‌ی پێشكێشی هه‌موو ئالییێن كوردستانێ كه‌ن.
پێشتر مه‌حموود محه‌مه‌د په‌یڤدارێ پارتی راگه‌هاندبوو، وان داخواز ژ هه‌موو ئالییان كرییه ب هه‌ڤرا وه‌كو ئێك شاند و لیست بچنه به‌غدا و دانوستاندنێن پێكئینانا حكومه‌تێ بكه‌ن و نها ژی وان پرۆژه‌یه‌ك هه‌یه و دخوازن هه‌موو ئالیێن كوردی تێبینیێن خوه ل سه‌ر بێژن.
هه‌ڤده‌م مه‌لا به‌ختیار به‌رپرسێ ده‌سته‌یا كارگێری یا مه‌كته‌با سیاسییا ئێكه‌تیێ ژی راگه‌هاندبوو؛ پارتی و ئێكه‌تی دێ ب هه‌ڤڕا چنه به‌غدا و وان پێ باشه ئالیێن دی یێن كوردستانی ژی پشكداری شاندا وان ببن، ژبه‌ركو نها ده‌مێ فه‌رزكرنا چ مه‌رجان نینه.
تُتاح هذه الصورة أيضا في: کوردی
