واشنتۆنێ رەتکر چو ھێزەکا وان ل عەفرینێ ھەبیت
WAAR-دهۆك:
پەیڤدارا وەزارەتا دەرڤە یا ئەمریکا ئەڤرۆ راگەھاند؛ وەلاتێ وێ چو ھێزەکا سەربازی ل عەفرینێ نینە و واشنتۆن چەکان بۆ چو گرۆپێن ل وی باژاری رەوانە ناکەت.
ھێزەر ناوێرت، پەیڤدارا وەزارەتا دەرڤە یا ئەمریکا ئەڤرۆ د پرێس کۆنفرانسەکێ دا سەبارت ھێرشا تورکیا ل سەر عەفرینێ ئاشکەرا دکەت، کو زانیاریێن وەلاتێ وێ ل دۆر وان روودانێن نھا ل سنۆرێن وی باژاری رووددەن سنۆردارن.
دەربارەی دەنگۆیێن ل دۆر ھەبوونا ھێزێن ئەمریکا ل عەفرینێ، خویا ژی دکەت، وەلاتێ وێ چو ھێزەکا سەربازی ل عەفرینێ نینە و واشنتۆن چەکان بۆ چو گرۆپێن ل وی باژاری رەوانە ناکەت.
ئەڤ داخویانییا پەیڤدارا وەزارەتا دەرڤە یا ئەمریکا د دەمەکێ دا دھێت کو پێشتر حکومەتا ئەنقەرە ئەمریکا ب وێ یەکێ سۆچبار کربوو، کو چەکان بۆ ھێزێن کوردی رەوانە دکەت، لێ ئەمریکا ھەردەم ئەو دەنگۆ رەت دکرن. و رادگەھاند؛ ھاریکاریێن وان بتنێ بو بەرھنگار بوونا داعشێ نە ل سووریێ.
تُتاح هذه الصورة أيضا في: کوردی
