حكومه‌تا ئیراقێ: هه‌رێم و به‌غدا ل دۆر په‌ترۆلێ رێككه‌فتینه
WAAR-دهۆک:
په‌یڤدارێ حكومه‌تا ئیراقێ راگه‌هاند؛ هه‌رێم و به‌غدا ل سه‌ر هنارتنا په‌ترۆلێ رێككه‌فتینه و تنێ نها دانوستاندن ل دۆر قه‌رێن كومپانیێن په‌ترۆلێ ماینه.
سه‌عد حه‌دیسی په‌یڤدارێ حكومه‌تا ئیراقێ د داخویانیه‌كێ دا گۆت: به‌رییا كۆنگرێ نێڤده‌وله‌تی یێ داڤۆس، نێچیرڤان بارزانی سه‌رۆكوه‌زیرێ هه‌رێمێ ل به‌غدا ل گه‌ل حه‌یده‌ر عه‌بادی سه‌رۆكوه‌زیرێ ئیراقێ كۆمبوو و ب ره‌نگه‌كێ دەستپێکی ل سه‌ر هنارتنا په‌ترۆلێ ب رێیا كۆمپانییا هه‌نارده‌كارا ئیراقی سۆمۆ رێككه‌فتن.
گۆت ژی: نها تنێ قه‌رێن كۆمپانیێن بیانی ماینه كو دانوستاندن ل سه‌ر دهێنه كرن، ژبه‌ركو به‌رییا نها كۆمه‌كا قه‌رێن وان كۆمپانییا ل سه‌ر هه‌رێمێ مابوون.
ئه‌ڤه د ده‌مه‌كی دایه كو پشتی سه‌ره‌دانا سه‌رۆكوه‌زیر نێچیرڤان بارزانی بۆ به‌غدا، كه‌ریم شنگالی وه‌زیرێ ناڤخوه‌یێ هه‌رێمێ راگه‌هاندبوو، هه‌ولێر و به‌غدایێ چار رێككه‌فتن ئیمزاكرینه.
تُتاح هذه الصورة أيضا في: کوردی
