فازل میرانی: ریفراندۆم به‌لگه‌نامه‌یه‌كا مێژووییه
K24- هه‌ولێر:
فازڵ میرانی سكرتێری مه‌كته‌بی سیاسی پارتی دیموكراتی كوردستان ده‌ڵێت: زیاتر له 90%ی خه‌ڵكی كوردستان له ریفراندۆمدا ده‌نگیان به به‌ڵێ دا و ئه‌مه‌ش مافێكی سرووشتی هه‌موو گه‌لانی جیهانه، هه‌وره‌ها گوتی: ده‌ره‌نجامه‌كانی ئه‌و پرۆسه‌یه بوونه‌ته به‌ڵگه‌نامه‌یه‌ك و له لاپه‌ڕه‌كانی مێژوودا تۆماركراون.
میرانی كه ئه‌و لێدوانه‌ی له چله‌ی ماته‌مینی عه‌لی عه‌بدوڵڵا جێگری پێشووی سه‌رۆكی پارتی دیموكراتی كوردستانی پێشكه‌شكرد، گوتی: داواكاری كورد بۆ ئه‌نجامدانی گفتوگۆ له‌گه‌ڵ به‌غدا له لاوازی كورد نییه كه هه‌ندێك وا بیر ده‌كه‌نه‌وه، به‌ڵكو سه‌لماندنی ئه‌و راستیه‌یه كه كه‌سانی پاك له لێكۆڵینه‌وه سڵناكه‌نه‌وه و كه‌سانی به‌هێز هه‌میشه ئاماده‌ی گفتوگۆ و دانوستانن.
میرانی گوتی: به‌هه‌ره‌شه و سزادانێكی به‌كۆمه‌ڵ ناتوانرێت هه‌یبه‌ت و ئیراده‌ی گه‌لێك بشكێندرێت، به‌تایبه‌ت گه‌لی كورد، كه هه‌میشه هه‌وڵی سه‌رخستنی ئیراده‌ی خۆیداوه و له ئاینده‌ش به‌رده‌وام ده‌بێت.
سكرتێری مه‌كته‌بی سیاسی پارتی جه‌ختی كرده‌وه، ده‌ره‌نجامه‌كانی ریفراندۆم بوونه‌ته واقعێك و پێویسته هه‌موو به‌یه‌كه‌وه پشتگیری لێ بكه‌ین و گوتی، رووداوه‌كانی دوای 16ی ئوكتۆبه‌ر بۆ وه‌بیرهێنانه‌وه‌ی دوژمنانه كه ئیراده‌ی گه‌لی كورد به تانك و تۆپ ناڕوخێت و له‌ناو ناچێت.
تُتاح هذه الصورة أيضا في: کوردی
