به‌غدا.. كۆمبوونێن شاندا هه‌رێمێ به‌رده‌وامن
WAAR-دهۆك:
شاندا جڤاتا بلندا رێفراندومێ ئه‌ڤرۆ ژی ل به‌غدا ژماره‌یه‌كا كۆمبوونان دگه‌ل ئالیێن ئیراقی كرن و چاڤه‌رێیه تا سوبه كۆمبوونێن فه‌رمی یێن شاندا هه‌رێمێ به‌رده‌وامبن.
ل گۆری زانیاریێن وار، شاندا جڤاتا بلندا رێفراندومێ كو بۆ روونكرنا با‌به‌تێ رێفراندوم و بنپێكاریێن حكومه‌تێن ئیراقێ چوار رۆژه ل به‌غدانه، ئه‌ڤرۆ دگه‌ل بالیۆزێ كوێتێ ل به‌غدا و كۆنگره‌یا نشتیمانی و حزبا شیوعی یا ئیراقێ و ئیبراهیم جه‌عفه‌ری وه‌زیرێ ده‌رڤه‌ێی ئیراقێ كۆمبوون.
هه‌روه‌سا شاندا هه‌رێمێ هه‌ر ئه‌ڤرۆ دێ دگه‌ل ئه‌یاد سامه‌رائی و كوتله‌یا موته‌حیدون و ئه‌حرار و به‌ره‌یا توركومانی ژی كۆمببیت.
سه‌عدی ئه‌حمه‌د پیره ئه‌ندامێ شاندی راگه‌هاند؛ تا نها كۆمبوونێن وان دگه‌ل هه‌موو ئالییان گه‌له‌ك ئه‌رێنی نه و چ ئالیه‌كی نه گۆتییه ئه‌و ل دژی ریفراندومێ نه، به‌لكو پترییا وان تێبینی ل سه‌ر ده‌م و شێوازێ رێفراندومێ هه‌نه و ئه‌ڤه‌ژی تشته‌كێ ئاساییه و دانوستاندن دێ به‌رده‌وامبن.
تُتاح هذه الصورة أيضا في: کوردی
