پنتاگۆن: هه‌ژماره‌كا بنگه‌هێن داعشێ ل ئیراقێ هاتنه ژناڤبرن
waar – دهوك :
د هێرشێن فرۆكه‌یێن هه‌ڤپه‌یمانان دا، سه‌نته‌ره‌كێ دارایی یێ داعشێ ل مووسلێ و هه‌ژماره‌كا بنگه‌هێن دی یێن داعشێ ل ئیراقێ هاتنه ژناڤبرن.
وه‌زاره‌تا به‌رگریا ئه‌مریكا پنتاگۆنێ راگه‌هاند، فرۆكه‌یێن بێ فرۆكه‌ڤان یێن هێزێن ئه‌مریكا و هه‌ڤپه‌یمانان، 8 گورزێن ئاسمانی ل ل پارێزگه‌هێن ئه‌نبار، مووسل و كه‌ركووكێ ل داعشێ داینه.
پنتاگۆنێ دا زانین، ل نێزیك باژێڕكێ هیت دو ئاڤاهی و دو ترۆمبێلێن داعشێ هاتنه تێكشكاندن، ل نێزیك مووسلێ ژی، یه‌كه‌یه‌كا ته‌كتیكی و سه‌نته‌ره‌كێ دارایی یێ داعشێ هاتنه ژناڤبرن. ل نێزیك باژێرێ ره‌مادی ژی، دو یه‌كه‌یێن ته‌كتیكی یێن داعشێ، بنگه‌هه‌كێ كونترۆلكرنێ و چاڤدێرییا سیسته‌مێن مۆشكه‌كی، پێنج بنگه‌هێن هاڤێتنا مۆشه‌كان و دو سه‌نگه‌رێن تیرۆرستان، ل نێزیك سولتان عه‌بدولا ل رۆژئاڤا كه‌ركووكێ ژی، ئاڤاهیه‌كێ داعشێ هاتنه ژناڤبرن.
تُتاح هذه الصورة أيضا في: کوردی
