په‌یامه‌ك ژ نڤیسینگه‌ها سه‌رۆك بارزانی ل سه‌ر كوشتنا رۆژنامه‌ڤانێ دهۆكێ
ئه‌ڤرۆ نیوز:
نڤیسینگه‌ها راگه‌هاندنا سه‌رۆك بارزانی راگه‌هاند كو ئه‌وان په‌یوه‌ندی ب بابێ رۆژنامه‌ڤان ودات حسێن كریه و هه‌ڤخه‌میا سه‌رۆك بارزانی گه‌هاندیێ و پێ راگه‌هاندیه كو بێ ده‌نگ نابن هه‌تا تاوانبار نه‌هێنه ئاشكه‌را كرن و نه‌گه‌هنه سزایێ خوه یێ قانوونی.
ده‌قێ راگه‌هاندنێ:
ده‌رباره‌ی كه‌یسێ كوشتنا رۆژنامه‌ڤان ودات حسێن نڤیسینگه‌ها مه‌سعود بارزانی سه‌رۆكێ هه‌رێما كوردستانێ په‌یوه‌ندی ب حسێن عه‌لی كوچه‌ر بابێ ودات حسێن كر و سه‌ره‌خۆشی و هه‌ڤخه‌میا سه‌رۆك بارزانی گه‌هانده خێزانا وان و پشت راستكرن كو موكین نینه روودانه‌كا وه‌سان به‌رزه ببیت و بێ ماف ب دووماهی بهێت و دڤێت ب زووترین ده‌م تاوانباران بهێنه دیتن و بگه‌هنه سزایێ خوه یێ قانوونی.
د پێناڤی ڤه‌دیتنا بكوژ و تاوانباران سه‌رۆك بارزانی دامه‌زراوێن په‌یوه‌ندیدار یێن راسپاردین كو ب له‌ز ڤه‌كولینێن هوور د وێ كه‌یسێ دا بكه‌ن و تاوانباران ده‌سته‌سه‌ر بكه‌ن و بگه‌هنه سزایێن خوه یێن قانوونی.
د. ئومێد سه‌باح
ئاخفتنكه‌رێ سه‌رۆكاتیا هه‌رێما كوردستانێ
15ـی 8ـی 2016
تُتاح هذه الصورة أيضا في: کوردی
