بارزانی سه‌ركه‌ڤتنا ئۆپه‌راسیۆنێ ل هێزێن پێشمه‌رگه‌ی پیرۆزكر
وار
مه‌سعوود بارزانی سه‌رۆكێ هه‌رێما كوردستانێ و فه‌رماندارێ گشتی یێ هێزێن چه‌كدار، دگه‌ل فه‌رمانده‌یێن هێزێن پێشمه‌رگه‌ی ل به‌ره‌یێ خازری كۆمبوو و سه‌ركه‌ڤتنا ئۆپه‌راسیۆنێ ل پێشمه‌رگه‌یان پیروزكر، ل گۆری زانیاریێن وار ژی، بارزانی ده‌ما دو رۆژانه، ل به‌ره‌یێن شه‌ڕی یه.
ئێڤارییا دوهی، مه‌سعوود بارزانی، فه‌رماندارێ گشتی یێ هێزێن چه‌كدارێن هه‌رێمێ، كو ب ئاوایه‌كێ راسته‌وخوه سه‌رپه‌رشتیا ئۆپه‌راسیۆنا هێزێن پێشمه‌رگه‌ی د كر، ل به‌ره‌یێ خازری سه‌ره‌دانا سه‌نگه‌رێن پێشیێ یێن پیشمه‌رگه‌ی كر و دگه‌ل فه‌رماندارێن پێشمه‌رگه‌یان كۆمبوو و دیمه‌نێ كۆمبوون و سه‌ره‌دانا فه‌رمانده‌یێن پێشمه‌رگه‌ی ژی، ته‌نێ ب چاڤكێن كامیره‌یا وار هاتینه وێنه‌كرن.
په‌یامنێرێ وار ل به‌ره‌یێ خازری گۆت، بارزانی هه‌ر ژ ده‌مژمێر چاری سپێده‌هییا دوهی، واته دو ده‌مژمێران به‌ریا ده‌ستپێكرنا ئۆپه‌راسیۆنێ، تا ئه‌ڤرۆ و راگرتنا ئۆپه‌راسیۆنێ ژی، ل به‌ره‌یێن شه‌ڕی مابوو و به‌رده‌وام ژ نزیك چاڤدێرییا پێشڤه‌چوونێن پێشمه‌رگه‌ی دكر.
گۆت ژی ، د كۆمبوونا دگه‌ل فه‌رمانده‌یان دا، بارزانی سه‌ركه‌ڤتنا ئۆپه‌راسیۆنێ ل هێزێن پێشمه‌رگه‌ی پیرۆز كر و رێنمایێن خوه پاراستن و بجهكرنا سه‌نگه‌ران ل ده‌ڤه‌رێن نوو رزگاركری، دانه هێزێن پێشمه‌رگه‌ی.
تُتاح هذه الصورة أيضا في: کوردی
