جۆزێف دانفۆرد:هه‌رده‌ما بارزانی دبینین ژ تێكشاندنا داعشێ پشتڕاست دبین
وار
د كۆمبوونه‌كا دگه‌ل سهرۆكێ هه‌ریما كوردستانێ مه‌سعوود بارزانی، سهرۆكێ ده‌سته‌یا ئه‌ركانا سوپایێ هه‌ڤپشك یێ ئه‌مریكی، جۆزێف دانفۆرد و راگه‌هاند ئه‌مریكا دێ به‌رده‌وام بیت لسه‌ر پشته‌ڤانیكرنا هێزێن پێشمه‌رگه‌ی و گۆت ژی، پلانا ئازادكرنا مووسلێ بێی پشكدارییا هێزێن پێشمه‌رگه‌ی سه‌رناگریت.
جۆزێف دانفۆرد ب یاوه‌رییا شانده‌كێ ئه‌مریكی كو پێكهاتبون، ژ ستیوارت جۆنز بالیۆزێ ئه‌مریكا ل ئیراق و جه‌نه‌ڕال ماكفار لاند، فه‌رمانده‌یێ هێزێن هه‌ڤپه‌یمان ل ئیراقێ و كین گرۆس كۆنسۆلێ ئه‌مریكا ل هه‌ولێرێ. ل هاڤینگه‌ها سه‌لاحه‌ددین، دگه‌ل سهرۆكێ هه‌رێما كوردستانێ كۆمبوون، د كۆمبوونێ دا، باس ل ره‌وشا به‌ه‌ریێن شه‌ڕێ دژی داعشێ و هه‌ماهه‌نگییا نێڤبه‌را هێزێن پێشمه‌رگه‌ی و هێزێن هه‌ڤپه‌یمان هاتیه كرن.
سهرۆكێ ده‌سته‌یا ئه‌ركانا سوپایێ ئه‌مریكا د كۆمبوونێ دا گۆت: چه‌ند ئه‌و بارزانی دبینیت و دگه‌ل دا كۆم دبیت، پتڕ نێزیكی شكاندنا داعشێ و رزگاركرنا مووسلێ دبن، و حه‌ماسه‌ت و جۆشا ژ ناڤبرنا داعشێ پتر لێ دهێت. جۆزێف دانفۆرد د په‌یڤه‌كێ دا بارزانی ل هووراتیێن پلانا ئه‌مریكا ئاگه‌هداركر سه‌باره‌ت ب رووب رووبوونا داعشێ ل ئیراقێ و سورویێ.
ژلایێ خوه‌ڤه سهرۆكێ هه‌رێمێ، روناهی ئێخسته سه‌ر بزاڤێن رزگاركرنا باژێرێ مووسلێ و گۆت، گرنگتر ژ رزگاركرنا وی باژێڕی، پلانه‌كا سیاسییه بۆ قوناغا پشتی رزگاركرنا مووسلێ گه‌ره‌نتیكرنا ژیانا پێكهاته‌یێن وی باژێڕی.
تُتاح هذه الصورة أيضا في: کوردی
