فازل میرانی: ده‌رفه‌ته‌كا باش بۆ كۆمبوونا ئالیێن سیاسی هاتیه پێش
وار
سكرتێری مه‌كته‌با سیاسییا پارتی دیمۆكراتی كوردستان راگه‌هاند؛ ده‌رفه‌ته‌كا باش بۆ كۆمبوونا ئالیێن سیاسی هاتیه پێش و بزاڤێن پارتی بۆ چاره‌كرنا هه‌موو كێشه‌یێن سیاسییێن هه‌رێمێ به‌رده‌وامن.
مالپه‌رێ فه‌رمی یێ پارتی ژ زارێ فازل میرانی سكرتێرێ مه‌كته‌با سیاسی یا وێ حزبێ به‌لاڤكرییه كو ئه‌ڤرۆ د چوارچووڤێ كۆمبوونه‌كێ دا میرانی دیاركرییه، نوكه ده‌لیڤه‌یه‌كا باش بۆ كۆمبوون و لهه‌ڤگه‌هشتنا هه‌موو ئالییێن سیاسی هاتیه پێش، بۆ وێ یه‌كێ بریارا ب داوی هاتنا ڤێ قه‌یرانا سیاسی یا هه‌رێمێ بده‌ن و جاردن ره‌وش ئاسایی ببیت.
دوپاتژی كر، پارتی د بزاڤێن به‌رده‌وامدایه، بۆ وێ یه‌كێ چاره‌یه‌كێ بۆ ره‌وشا هه‌رێمی ببینیت، ئارمانج ژڤێ یه‌كێ ژی، خوه به‌رهه‌ڤكرنه بۆ پێشهاتێن نوو و دروستكرنا ئێكرێزی و گۆتاره‌كا سیاسی یا هه‌ڤپشكه.
تُتاح هذه الصورة أيضا في: کوردی
