ژنها و وێڤه ڤیزا توركیا ب ڤى جۆرى دێ ئێته وه‌رگرتن
K24 – ھەولێر 
لە راگەیاندراوێكدا كونسوڵخانەی توركیا لە ھەولێر رایدەگەیەنێت: “لەمەودوا داواکاری ڤیزا لە کۆنسوڵگەریمان تەنیا لە رێگەی کۆمپانیایی VFS Global Gateway Management ەوە قبوڵ دەکرێت”.
لەو راگەیاندراوەدا ھاتووە: “ھاووڵاتیان لەکاتی سەردانكردنیان بۆ کۆمپانیای ناوبراو پێویستە پاسپۆرت، دوو وێنەی بیۆمێتریک، ھەروەھا بەردەستکردنی بەڵگەنامەی پێویست کە مەرجە ئۆرجیناڵ بێت پێشکەش بکات”.
كونسوڵخانەی توركیا لە ھەولێر دەڵێ: “ھەروەھا کۆمپانیا دوای کۆنتڕۆڵکردنی سەرجەم بەڵگەکان فۆڕمی وەرگرتنی ڤیزا ئامادە دەکات، دواتر دۆسیەی بۆ دەکرێتەوە”.
دوا بەدوای بەدواداچوون لە فۆرمی وەرگرتنی ڤیزا لەلایەن کۆنسوڵگەریمانەوە، پاسپۆرتەکان لە لایەن کۆمپانیای نێوبراوەوە رادەستی خاوەنەکانیان دەکرێتەوە.
ئەوەش روونكراوەتەوە: “تەنیا فۆڕمی VFS قبوڵ دەكرێت ھیچ فۆڕمێکی نوسسینگەیەک وەرناگیرێت، ھەروەھا ڤیزای ئۆنلاین بۆ ئەو ھاووڵاتیانەی کە ڤیزای شێنگای، ئەمریکا بەریتانیا ئیرلاندایان ھەیە دەتوانن سەردانی ماڵپەڕبکەن بۆ وەرگرتنی ڤیزا، لەگەڵ ڤیزای ئەلیکترۆنی سی1 ئەو کۆمپانیایانەی کە پێشتر حکوومەت لەگەڵیان پڕۆتۆکۆڵی واژوو کردووە سەبارەت بە پێدانی ڤیزا بەھەمان شێوە کاری پێدەکرێت”.
تُتاح هذه الصورة أيضا في: کوردی
