پنتاگۆن: هێرشێن هەڤپەیمانان بۆ سەر داعشێ ژبنکەهی ئاسمانیێ ئینجەرلیک ل تورکیا دەسپێکر
ئێن ئارتى
وەزارەتا بەرەڤانیا ئەمریکا ( پنتاگۆن) راگەهاند، هێرشێن ئاسمانێن ئەمریکا و هێزێن هەڤپەیمانان بۆ سەر داعشێ ل سوریا و عێراقێ ژ بنکەهێ ئاسمانیێ ئینجەرلیک ل تورکیا دەسپێکرە ڤە.
بەرپرسەکێ سەربازی ل وەزارەتا بەرەڤانیا ئەمریکا ئەڤرۆ ١٧ی تەموزا ٢٠١٦ راگەهاند، ئۆپراسیۆنا ئاسمانی یا فرۆکێن جەنگیێن هەڤپەیمانان ژبنکەهێ ئاسمانیێ ئینجەرلیک دەستپێکرەڤە.
وی بەرپرسی گوت” بەرپرسێن تورکیا بنکەهێ ئاسمانیێ ئینجەرلیک ڤەکرن و ئەڤرۆ هێرشێن ئاسمانیێ یێن هێزێن هەڤپەیمانان بۆ سەر داعشی ل سوریا و عێراقێ دسپێکرە ڤە”.
هەڤدەمد ئەڤرۆ ١٧ێ تەموزێ بەرپرسێن تورکیا راگەهاندن کو ب تۆمەتا هەبوونا پەیوەندیێ ب کودەتایا رۆژا ئەینیا بوری، (بەکیر ئارجان ڤان) فەرماندێ بنکەهێ ئاسمانیێ ئینجەرلیک هاتیە دەستەسەرکرن.
دوهی شەمبیێ، کونسولخانەیا ئەمریکا دبەیاننامیەکێ دا راگەهاند، دەستهەلاتدارێن تورکیا دورپێچا ئەمنی بسەر بنکەێ ئاسمانیێ ئینجەرلیک دا ل پارێزگەها ئەدەنە یێ باشورێ وی ولاتی سەپاندیە کو فرۆکێن ئەمریکی و هەڤپەیمانان ژ وێ بنکەهێ هێرشێن ئاسمانی بۆ سەر داعشێ ل سوریا و عێراقێ ئەنجامددەن.
دوێ بەیاننامێ دا هاتیە” دەسهەلاتدارێن تورکیا رێکێ نادەن ب هاتن و چونێ ژبۆ بنکەهێ ئاسمانیێ ئینجەلیک و کارەب ژی ژ بنکەهێ برینە”.
وەزارەتا بەرەڤانیا ئەمریکا ژی ( پنتاگۆن) راگەهاند، حکومەتا تورکیا ئاسمانێ خۆ لهەمبەری فرۆکێن جەنگیێن ئەمریکا داخستیە.
بنکەهێ ئاسمانیێ ئینچەلیک ژئالیێ هێزێن ئاسمانیێ ئەمریکا و تورکیا ڤە دهێتە بکارئانین دچارچۆڤێ رێکەفتنا سەربازی و ئابوریا ناڤبەرا هەردوو ولاتاندا.
ئینچەرلیک ١٠٠ کیلۆمەتران ژ سنورێ سوریا دویرە و ٣٠ کلیۆمەتران ژ دەریایا ناڤەراست دویرە، وژئالیێ سوپایێ ئەمریکا هاتیە بکارئاینان ژبۆی پرانیا وان ئۆپراسیۆنێن وی یێن کو ل رۆژهەلاتا ناڤین ئەنجامدایە و نها بۆ شەرێ داعشێ دهێتە بکارئانین ل سوریا و عێراقێ.
تُتاح هذه الصورة أيضا في: کوردی
