دو گەنجێن دهۆكێ د ئێك رۆژدا دخەندقن
تۆرا لالش يا راگه‌هاندنێ
بەرپرسێ راگەهاندن و پەیوەندیان ل رێڤەبەریا بەرەڤانیا باژێری ل دهۆكێ راگەهاند، د ماوێ 24 دەمژمێران دا دو گەنجێن پارێزگەها دهۆكێ د ژیێ 24 سالیێ دا د رووبارێن خازر و بەنداڤیا قادا دا دخەندقن.
ئەڤرۆ رۆژا چارشەمبی 29/6/2016 رائیدێ مافپەروەر بێوار عەبدولعەزیز بۆ (باسنیۆز) دیاركر كو دوهی دو گەنجێن پارێزگەها دهۆكێ د دو ئاڤێن جودا جودا دا خەدقینە و پشتی دەمەكێ كێم ژ رویدانێ تەرمێن هەردو گەنجان ژ ئاڤێ هاتینە دەركرن و بۆ پزیشكیا داد ل دهۆكێ هاتینە رەوانەكرن.
ناڤبری دیار كر كو د رویدانا ئێكێ دا قوتابیەكێ زانكۆیا زاخۆ ب ناڤێ (سەرمەند محەمەد عەلی) ژدایك بویێ سالا ۱۹۹۲ ئاكنجیی ناحیا رۆڤیا ل سنوورێ قەزا بەردەرەش ل سەر ئاڤا خازری دگەل پێنج هەڤالێن خۆ دچنە سەر ئاڤا خازری، لێ ب مخابنی ڤە د خەندقیت و لاشێ وی دهێتە دەركرن.
ئاماژە ب رویدانا دویێ ژی كر و گۆت: دوهی ل دەمژمیر 6:00 ئێڤاری تیمێن قورتالكرنێ یێن بەشێ نقومڤانان هاتنە ئاگەهداركرن كو گەنجەك ب ناڤێ (محەمەد عەبدولمحسن محەمەد) د ژیێ 24 سالیدا ل بەندافا (قادیا) ل سنوری ناحیا باتێلێ ل قەزا سێمێلێ خەندقیە و تیمێن نقومڤانان یێن بنگەهێ زاخۆ ب زویترین دەم ل جهێ رویدانێ ئامادەبوون و شیان تەرمێ ڤی گەنجی بیننە دەر و هاتە رەوانەكرن بۆ پزیشكا داد.
رائید بێوار ئاشكرا كر كو ب مخابنی ڤە ل دەسپێكا مەها رەمەزانێ و هەتا نها پێنجەم هاوولاتیە ل سنورێ پارێزگەها دهۆكێ د خەندقیت.
تُتاح هذه الصورة أيضا في: کوردی
