نه‌ته‌وه‌يێن ئێكگرتى:65.3 ملیۆن كۆچبه‌ر ل سه‌رانسه‌ری جیهانێ هه‌نه
وار
ئه‌ڤرۆ رۆژا جیهانییا كۆچبه‌رانه و نه‌ته‌وه‌یێن ئێكگرتی ژی رادگه‌هینیت؛ 65.3 ملیۆن كۆچبه‌ر ل سه‌رانسه‌ری جیهانێ هه‌نه، هه‌روه‌سا خواست ژی ل سه‌رانسه‌ری جیهانێ رێز و مافێن كۆچبه‌ری بهێنه پاراستن.
ل سالا 2000 جڤاتا گشتی یا نه‌ته‌وه‌یێن ئێكگرتی بریار دا رۆژه‌ك بۆ كچبه‌ران بهێته دانان و ل چاری خزیرانێ كۆمبوون و 20ی خزیرانێ وه‌ك رۆژا جیهانی یا كۆچبه‌ران ناڤكر، هه‌ر وه‌سا ل 20ی خزیرانا سالا 1951 ژی رێككه‌ڤتنه‌ك ل دۆر مافێن كۆچبه‌رێن ئه‌فریكی هاتبووكرن و ل 20ی خزیرانا سالا 2001 ێ ئه‌و رێككه‌ڤتن ل ب رێككه‌ڤتنا جنێفێ نووكر.
د رۆژا جیهانییا كۆچبه‌ران دا كۆچبه‌ر ل سه‌رانسه‌ری دنیایێ د خوازن، توندكاری و ترانه‌پێكرن ئێدی رۆژانه ب وان نه‌هێته‌كرن، هه‌روه‌سا راستییا وان هه‌مبه‌ری سه‌ركردێن جیهانێ دیاربیت.
ئیسال كۆمسیۆنا بلندا كۆچبه‌ران هه‌وه‌ك ل ژێر ناڤێ (د گه‌ل كۆچبه‌رانداینه) داخوازكرییه، دیارده‌یا كۆچبه‌ریێ بهێته راوه‌ستاندن و گره‌نتییا زارۆیێن كۆچبه‌ر ل سه‌ر فێركاریێ بهێته‌كرن، هه‌روه‌سا مافێ خێزانێ ژ ئالیێ ئێمناهیێ ڤه بهێته پاراستن، هه‌روه‌سا مافێ هه‌ر كۆچبه‌ره‌كی یه كار بكه‌ت و فێر ببیت، هه‌روه‌سا ده‌ستپێشخه‌رییان د كاراندا بكه‌ت.
كۆمسیۆنا نه‌ته‌وه‌یێن ئێكگرتی یا كۆچبه‌ران UNHCR رادگه‌هینیت؛ د ئه‌ڤ ساله دا 65.3 ملیۆن كۆچبه‌ر ل سه‌رانسه‌ری جیهانێ كۆچبه‌ر و ئاواره‌نه، هه‌ڤده‌م پترییا كۆچبه‌ران ژی ژ ئه‌گه‌رێن شه‌ڕان كۆچبه‌ر بووینه و قه‌ستا ده‌ڤه‌رێن ئارام كرینه، ل ده‌مه‌كی، گه‌له‌ك وه‌لات دژی وه‌رگرتنا كۆچبه‌ران راوه‌ستیاینه و گه‌له‌ك وه‌لاتێن مینا ئه‌لمانیا پشته‌ڤانییا خوه ژی بۆ وان كۆچبه‌ران دیاركرییه و ب هزاران كۆچبه‌ر وه‌رگرتینه.
كۆمسیۆنا بلندا كۆچبه‌ران یا سه‌ر ب نه‌ته‌وه‌یێن ئێكگرتی ڤه راگه‌هاند؛ هه‌ژمارا كۆچبه‌رێن بێ مال و حال گه‌هشتییه ئاسته‌كێ بلند و ژ هه‌ر 113 كۆچبه‌ران ل سه‌رانسه‌ری جیهانێ كۆچبه‌ره‌ك بێ مال و حال مایه، هه‌روه‌سا دوپاتكر؛ بتنێ د ئیسال دا هه‌ژمارا كۆچبه‌ران گه‌هشتییه 5 ملیۆن كه‌سان، هه‌روه‌سا ئاشكراكر؛86% یا وان كۆچبه‌ران ژی د ناڤا وه‌لاتێن هه‌ژار و كێم داهات دانه.
پشتی بهایارا ئه‌ره‌بی و دروستبوونا شه‌ڕێن مه‌زن ل هنده‌ك ژ وه‌لاتێن ئه‌ره‌بی، مینا سووریا، ب هزاران كه‌س نه‌چاربوون، مالێن خوه بجهـ بهێلن و قه‌ستا وه‌لاتێن ئه‌ورۆپی و ده‌ڤه‌رێن ره‌خودۆرێن خوه یێن ئارام بكه‌ن، هه‌موو رێك ژی گرتنه به‌ر بۆ وێ یه‌كێ ئارامیێ ب ده‌ستڤه‌بینن، لێ ڤێ چه‌ندێ هه‌ژمارا قوربانییان زێده‌كر و ب هزاران كۆچبه‌ر د ده‌ریایان دا خه‌ندقین و دناڤا دارستاناندا به‌رزه‌بوون و د ترومبێلان دا ل ژڤانێ چاڤه‌ڕێبوونێ جه‌دین و هاتنه سۆتن.
تُتاح هذه الصورة أيضا في: کوردی
