كه‌سێن خوينێ نه‌به‌خشن د به‌رهه‌ڤن بۆ ڤێ نه‌خۆشيا گه‌له‌ك ب مه‌ترسى
نوش نيوز:
رێڤەبەرێ بەنکا خوینێ ل دھۆکێ دیارکر کو گەلەک کەسێن خوینێ نە بەخشن خوینا وان دگەھتە ٢٠ێ ئەم نەشێین ژێ وەربگرين، ئەو کەس دبەرھەڤن تووشی جەلتێ ببن.
عادل عه‌بدلسه‌لام رێڤەبەرێ بەنکا خوینێ ل دھۆکێ بۆ(نۆش نیوز) دیارکر کو د حالەتێ ١٣,٥ێ دا خوین ژ وەلاتیان دھێتە وەرگرتن و دەمێ خوین زێدەتر بیت و بگەھتە ١٨ ھەتا ٢٠ بۆ ساخلەمیا مرۆڤی باش نينە ب تایبەتی ژی ئەو کەسێن خوینا وان دگەھيتە ٢٠ێ د بەرھەڤن تووشی جەلتێ ببن، چونکو خوین چەند تير ببیت ب لەز کارێ خوە د ناڤ لاشی مرۆڤێ دا ناکەت، ھەر وەکو ئاڤ و زەیتێ دەمێ مرۆڤ ئاڤێ د بۆریەکێ را بەرددەت خوش دچیت لێ دەمێ مرۆڤ زەیتێ د وێ بۆریێ دا بەرددەت خۆش ناچیت خوین ژی یا وەسا یە دەمێ تێر دبیت خۆش ناچیت و ئاریشێن ساخلەمیێ ژی بۆ مرۆڤێ دروست دبن ب تایبەتی ل سەر دلێ مرۆڤی.
ئاشکەرا کر ژى کو ئەو کەسێن خوینا وان بکێر نەھێت و ھەول ددەن خوینێ بدەن، ئەم وان کەسان رەوانەی نەخۆشخانا ئازادی دكه‌ين، پێدڤیە ل بن چاڤدێریا نۆشدارێ تایبەتمەند خوین ژ وان بھێتە کێشان، ئەو خوین بۆ نەخۆشان ناھێتە بکارئینان، بەلکو دھێتە ژناڤبرن ب رێیێن ساخلەم.
ئەو ژی دیارکر کو پێدڤیە خەلک بەردەوام قەستا بەنكا خوینێ بکەن بۆ بەخشینا خوینێ چونکو رۆژانه ئەم پێدڤی ٨٠ ھەتا ٩٠ بوتلێن خوینێ دبن و ٣٠ ھەتا ٤٠ بوتلێن خوینێ بۆ نەخۆشيێن ته‌لاسیمیا دڤێن خوین بەخشین دەروونێ مرۆڤی ئارام دکەت چونکو کەسێ خوینێ ددەت ھەست دکەت ژیانا کەسەکێ دێ ژ مرنێ رزگارکر ئەڤە خێرەکا مەزنه مرۆڤ بکەت ئێک بوتلی خوینێ ژیانا چار کەسان ژ مرنێ قورتال دکەت.
تُتاح هذه الصورة أيضا في: کوردی
