ده‌ڤ هشكى و كارتێكرنا وێ ل سه‌ر ساخله‌میا ددانا
نوش نيوز:
ئه‌م هه‌مى ده‌ما پێدڤى ب تفێ (لیكێ) هه‌ینه دا كو هه‌رده‌م ده‌ڤ یێ ته‌ر و پاقژ بیت، دیسان تف پاراستنا تووشبوونێ ب به‌كتریا دكه‌ت د ده‌ڤى دا. هه‌رده‌مێ تفا پێدڤى نه هاته به‌رهه‌م ئینان، دێ ده‌ڤ تووشى گه‌له‌ك نه‌خوشیان بیت ژ وان ژى ده‌ڤ هشكى. ده‌ڤ هشكى ئاریشه یه چونكه ئه‌گه‌ره‌كێ سه‌ره‌كى یێ تووشبوونا نه‌خوشیا پیدیا و پیچبوونا ددانا یه.
ئه‌گه‌رێن ده‌ڤ هشكى یێ چنه؟
1. ژ ئه‌گه‌رێ وه‌رگرتنا هنده‌ك ده‌رمانان: ده‌ڤ هشكى ژ ئه‌گه‌رێ خوارنا هنده‌ك ده‌رمانێن تایبه‌ت بۆ چاره‌سه‌ریا هنده‌ك نه‌خوشیێن دى په‌یدا دبیت.
2. ژ ئه‌گه‌رێ هنده‌ك نه‌خوشیان: دبیت هه‌بوونا هنده‌ك نه‌خوشیان ببیته ئه‌گه‌رێ تووشبوونا ده‌ڤ هشكى یێ وه‌ك نه‌خوشیا شه‌كرێ، ئایدز، ئه‌لزه‌هایمه‌ر، بلند بوونا په‌ستانا خوینێ،ئه‌نیمیا و گه‌له‌ك نه‌خوشیێن دى.
3. ژ ئه‌گه‌رێ چاره‌سه‌ریێن پزیشكى: دبیت به‌رهه‌م ئینانا لیكێ (تفێ) به‌ره‌ڤ تێكچوونێ ڤه بچیت و زیان پێ بكه‌ڤیت، ل ده‌مێ تیشكدانا سه‌رى و ملان. دیسان چاره‌سه‌ریێن كیمیاى بۆ نه‌خوشیا په‌نجه‌شێرێ.
4. هشك بوون ژ ئه‌نجامێ تا یێ، زك چوون، دل رابوون، خوه دانا زێده، و سووتن.
5. لایف ستایل: جگاركێشانێ كارتێكرنه‌كا زۆر هه‌یه ل سه‌ر چه‌نداتیا به‌رهه‌م ئینانا لیكێ (تفێ). دیسان گه‌له‌ك هه‌ناسه‌دان ب ده‌ڤێ ڤه‌كرى ژى ئێك ژ ئه‌گه‌را یه.
نیشانێن ده‌ڤ هشكى یێ چنه؟
صورة ذات صلة
هه‌ست كرن ب ده‌ڤێ هشك
زێده تێهنى بوون
هه‌ست كرن ب هشكاتیێ د گه‌وریێ دا و لێڤ شه‌قبوون
هنده‌ك جاران هه‌ستێ سووتنێ د ئه‌زمانى یان ده‌ڤى دا
ئاریشه د تامكرنێ، ئاخفتنێ، جوویتنێ و قوتدانێ دا
بێهنه‌كا نه‌خوش
چاره‌سه‌رى؟
ئه‌گه‌ر تو هزر بكه‌ى ده‌ڤ هشكى یا ته ژ ئه‌گه‌رێ وه‌رگرتنا هنده‌ك ده‌رمانێن تایبه‌ته، هه‌ولبده د گه‌ل نوشدارێ تایبه‌تمه‌ند باخڤه بۆ چاره‌كرنا ڤێ ئاریشێ. دیسان هنده‌ك رێكێن دى ژى هه‌نه كو تو دشێى ئه‌نجام بده‌ى بۆ كێمكرنا ڤێ ئاریشێ، ژ وان:
صورة ذات صلة
زۆر ئاڤ ڤه‌خوارن دا ده‌ڤ هه‌ر یێ ته‌ر بیت
هه‌ناسه‌دان ب رێكا دفنێ، نه ده‌ڤى
جوویتنا به‌نیشتێ بێ شه‌كر، دیسان خوارن و مێژتنا شه‌كروكێن بێ شه‌كر
تُتاح هذه الصورة أيضا في: کوردی
