قاوێ د کوپێن سەفەری دا ڤه‌نه‌خۆن
رووداو-هەولێر
نێوەندی کۆنترۆڵکردن و پێشگیرکردن لە نەخۆشییەکانی ئەمریکا دەڵێت کوپە فلینەکان و ستایرۆفۆم یەکێکە لە ئامرازە ئاسانەکان بۆ خواردنەوەی شلەمەنییەکان لەدەروەی ماڵدا، هەندێکیش لە شوینی کارەکانیاندا چا و قاوە بەو کوپانە دەخۆنەوە بەڵام ئەو کوپانە چەندین دەرهاویشتەی نەخوازراویان هەن لەسەر تەندروستی.
نێوەندە ئەمریکییەکە ئاماژە بۆ ئەوە دەکات فلین یاخود ستایرۆفۆم ناوە بازرگانییەکەی ماددەیەکە بەناوی پۆلیسترین کە بۆ قاپ و کوپ و چەند شتێکی دیکەی تایبەت بە خواردن بەکاردێت.
ماددەی پۆلیسترین ماددەیەکی تووشکەری شیرپەنجەیە و چەندین کاریگەری نەخوازراوی دیکەی هەیە لەوانە هەستی ماندوویەتی زیاددەکات و تەرکیز کەمدەکاتەوە.
CDC دەڵێت لەلایەکی دیکەوە کوپە فلینەکان بەو ماددانە دادەنرێن کە هاورێی ژینگە نین و نزیکەی 500 ساڵیان دەوێت تاوەکو شیدەبنەوە و پرۆسەی دروستکردنیشی دەبێتە هۆی پیسبوونی هەوا .
تُتاح هذه الصورة أيضا في: کوردی
