ژاپۆن دێ بلەزترین کۆمپیوتەرێ دروستکەتن
ئێن ئارتى
ژاپۆن کار دکەت بۆ دروستکرنا بلەزترین کۆمپیوتەرێ د جیهانێ دا ب شیانا “خەیالی” بۆ هاریکاریکرن و بەرەف پێشبرنا ئامێرێن رۆبۆتی و ترومبێلێن بێ شۆفێر د داهاتی دا.
وەلاتێ ژاپۆن ب بهایێ ١٧٢ ملیۆن دۆلاران کار دکەت بۆ دروستکرنا وێ کۆمپیوتەرێ کو د شیاندایە د چرکەیەکێ دا ١٣٠ کوادریلیۆن کار و هژمارکردنان ئەنجامبدەت. (کوادریلیۆنەک = ١٠٠٠ تریلیۆنن).
بزاڤێن ژاپۆن بۆ بەرهەمئینانا وێ کۆمپیوتەرێ د نها دا بۆ پێشڤەبرنا شیانێن تەکنەلۆژیە د بیاڤێ بەرهەمێن زیرەک دا بۆ هەڤرکی کرنا زێدەترا چین و کۆریایا باشورە کو د نهادا خودان شیانێن گەلەکن د وی بیاڤی دا.
وەسا بریارە ئەندازیارێن ژاپۆنی ژ دەستپێکا سالا داهاتی ڤە دەست ب جیبجیکرنا پرۆژەیێ “گران” بکەن کو دروستکرنا کۆمپیتەرەکێ یە.
ئەڤەژی د دەمەکیدایە شینزۆ ئابی سەرۆک وەزیرانێ ژاپۆن د سیاسەتا کابینەیا خوە دا کۆمپانیایێن بیاڤێ تەکنەلۆژیایێ هانددەت بۆ بەرهەمئینان و پێشکەفتنا زێدەتر د بیاڤی بەرهەمێن زیرەک دا.
تُتاح هذه الصورة أيضا في: کوردی
