گیانه‌وه‌ران زاراڤێن تایبه‌ت ب خوه هه‌نه؟
دواڕۆژ
به‌شه‌ك ژ گیانه‌وه‌ران هه‌ر وه‌ك مرۆڤان دشێن باخڤن و خودان سالۆخه‌تیێن ئاخفتن و گوهدانێنه و ب پله‌یه‌كا زۆر باش، بۆ هندێ بشێن په‌یوه‌ندیێن خوه یێن خێزانی و هۆزێ د ناڤ وێ ده‌ڤه‌را لێ دژین بپارێزن.
ب گۆره‌ی راپۆرتا نه‌شنال جۆگرافیك، نه‌هه‌نگێن ده‌ریایی ب چێكرنا چه‌ند ده‌نگێن رێكخستی د دووراتیێن جودا په‌یوه‌ندیێ ب ئێكدو دكه‌ن، د نووترین خواندێ دا كو لسه‌ر ڤی گیانه‌وه‌ری هاتییه‌كرن، زانایان بۆ ده‌مێ 6 سالان گوهدارییا ده‌نگێ نه‌هه‌نگێن عه‌نبه‌ر یێن ئاكنجیێ كارائیب كرینه و گه‌هشتنه وێ ئه‌نجامێ كو زاراڤێ ڤان نه‌هه‌نگان تایبه‌ت ب گیانه‌وه‌رێن وێ ده‌ڤه‌رێ بتنێ، ئه‌ڤ زاراڤێن ده‌نگی دشێت هاریكار بیت بۆ ده‌ستنیشانكرنا گرۆپێن خێزانی و جڤاكیێن نه‌هه‌نگان، هه‌ر وه‌ك ناسناڤ یان ناڤێ خێزانی.
ب گۆره‌ی گۆتنا “گرۆ” مامۆستایێ زانكۆیا ئارهاس ل دانیمارك و دامه‌زرێنه‌رێ پڕۆژه‌یێ نه‌هه‌نگێن عه‌نبه‌ر دۆمینیكا، جۆره‌كێ زاراڤێن تایبه‌ت بۆ نه‌هه‌نگێن ده‌ڤه‌ره‌كێ هه‌یه كو ب هۆزێن نه‌هه‌نگان دهێنه نیاسین، بۆ نموونه نه‌هه‌نگه‌ك دبێژیته یێ دی: ئه‌ز خه‌لكێ كارائیبم، تو چ؟ ئه‌ڤ نه‌هه‌نگه وه‌كو زینده‌وه‌ره‌كێ جڤاكی د ئه‌نجامدانا كارێن جودا وه‌كو نێچیر یان پاراستنا زارۆكان ژ زینده‌وه‌رێن دی دهێته جوداكرن، ب گۆره‌ی گۆتنا گرۆی، ئه‌و كریارا ئه‌نجام دده‌ین ره‌فتاره، و چه‌وانییا ئه‌نجامداناوێ فه‌رهه‌نگه.
ئه‌ڤ زاراڤێ تایبه‌ت ب نه‌هه‌نگێن كارائیبی دێ وێ ده‌لیڤه‌یێ ده‌ته وان كو فه‌رهه‌نگ و په‌یوه‌ندیێن خێزانیێن خوه بهێزتر لێ بكه‌ن، ئه‌و كریارا بنیاتی كو بۆ ژیارا دناڤ ده‌ریایێ دا پێدڤییه.
د ڤه‌كۆلینه‌كا دی دا كو زانایێن زانكۆیا كه‌مبریج ب مفاوه‌رگرتن ژ ئولوگاریتمێن كومپیوته‌ری ئه‌ندام داینه كو د ڤه‌كۆلین و شیكارا دو هزار ڕه‌وین و گازیكرنا گیانه‌وه‌رێن وه‌كو سه‌گ و گورگان بكارهاتییه، شیاینه 21 جۆرێن جودایێن ڕه‌وینان ده‌ستنیشان بكه‌ن، زانا گه‌هشتنه وێ باوه‌رێ كو ڕه‌وین و گازیكرنا هنده‌ك ژ ڤان گیانه‌وه‌ران ژ یێن دی جودایه.
ئه‌ڤ ده‌ستكه‌فته دشێت گه‌له‌ك هاریكارییا ژینگه‌هـ پارێزان بده‌ت چونكو ب رێكا ده‌ستنیشانكرنا وه‌كهه‌ڤی و جوداهییا ڕه‌وین و گازیكرنا ڤان سه‌گ و گورگان دێ شێن ب شێوه‌یه‌كێ باشتر جڤاكێ ڤان گیانه‌وه‌ران بپارێزن و رێكبێخن.
تُتاح هذه الصورة أيضا في: کوردی
