بێ بەرامبەر هاریكاریا ئاواران دكت
تۆرا لالش یا راگەهاندنێ
وێنەگرێ چالاك و ژێهاتی(عەزیز حەمید)خەلكێ دەڤەرا شنگالێ یە،كارێ وی جودایە ژ وێنەگرێن دیتر بتریا كارێن خۆ بێ بەرامبەر بۆ ئاواران ل كەمپا بێرسڤێ یا ئاوارێن شنگالێ دكت.
عەزیز بۆ رۆژناما دەنگێ لالش خویاكر،ل تەمەنێ پازدە سالیێ وی دەست ب كارێ وێنەگرتنێ كریە و حەزەكا زۆر لسەر ڤی كاری هەبوویە و هەتا نهۆ بەردەوامی پێ دایە و ل گەلەك ئاهەنگ و شەهیانا پشكداربوویمە،هەر چەندە كۆمكوژیا ئێزدیان ل شنگالێ لسەر دەستێ رێكخراوا تیرۆرستیا داعشێ كاریگەریەكا نەرێنی لسەر كار و دەروونێ من كریە لێ هەر دەست ژ كارێ خۆ بەرنەدایە و جودا ژ وێنەگرێن دیتر كار دكەم ئەو ژی بتریا كارێن خۆ بێ بەرامبەر یان ژی وەك هاریكاری بۆ ئاواران ل كەمپێ دكەم.
دازانین ژی مەرەما وی ئەوە ل پێ كارین و شیانێن خۆ خزمەتا جڤاكێ خۆ بكەم،چنكو دزانم رەوشا ئاواران ل ناڤ كەمپان دا یا ب زەحمەتە و ئەو پێتڤی هەر جۆرە هاریكاریەكێ نە بۆ بێتەكرن،لەوما من دڤێت بكارم هاریكاریا وان بكەم و بارێ وان سڤك بكەم.
ناڤهاتی ژ دایكبوویێ(1995)ێ ل كۆمەلگەها دهۆلا ل دەڤەرا شنگالێ و نهۆ ل كەمپا بێرسڤێ دوو یا ئاوارێن شنگالێ دژیت.
تُتاح هذه الصورة أيضا في: کوردی
