هۆنەرمەندەك:ئەركە لسەر هۆنەرمەندان سترانێن كەلتۆری بێژن
تۆرا لالش یا راگەهاندنێ
هۆنەرمەندێ شنگالێ(كالۆ گرنوس) ژ مالباتەكا هۆنەری یە،دكورتە دیدارەكێ دا بۆ رۆژناما دەنگێ لالش راگەهاند،ل سالا(1996)ێ دەست ب كارێ هۆنەری كریە و خودان چەند بەرهەمێن هۆنەری یە و دبێژت ئەركە لسەر هۆنەرمەندان سترانێن گەل و كەلتۆرێ خۆ بێژن.
كالۆ گۆت:ژمالباتا خۆ فێری ستران گۆتنێ بووم و جارا ئێكێ دەنگێ هۆنەرمەند شڤان پەروەر كارتێكرنا خۆ لمن كر و داخباربووم و سترانێن وی دگۆتن،پاشی سترانێن فلكلۆری گۆتن و چۆمە داوەتان ژی، پێتڤیە هۆنەرمەند سترانا لسەر گەل و ئاخ و كەلتۆرێ خۆ بێژت وەكی ڤێ فرمانا بسەر مللەتێ ئێزدی دا هاتی داكو ببتە دیرۆك و نەئێتە ژبیركرن ژبەر ئەڤ ئەركە لسەر ملێت هەر هۆنەرمەند و هۆزانڤانەكی،هەروەسا سترانێن كو دبێژم و تۆماركرین هەموو ژ پەیڤ و ئاوازێن وی بخۆنە و دوو بەرهەم هەنە و چەند ستران لسەر فرمان و ئەڤینیێ را چێكرینە.
دەربارەی كارێ خۆ یێن داهاتی ئاشكەراكر،نهۆ بكارەكی دی یێ هۆنەری ڤە مژوولم و لبەرە ڤیدیۆ كلیپەكێ لسەر فرمان و دەربەدەریێ را چێكەم،لێ هەتا نهۆ چ هاریكاری ژئالیێ مادی ڤە نەهاتیە كرن كو كلیپ بكەم.
تُتاح هذه الصورة أيضا في: کوردی
